ފުރަތަމަ ފަހަރަށް ޙަރަމްފުޅުގެ ހުކުރު ޚުތުބާ 35 ބަހަށް ތަރުޖަމާކޮށްގެން ގެނެސްދެނީ
ލިޔުންތެރިޔާ
ޚަދީޖާ އަރުފާ
މަސްޖިދުލް ޙަރަމް އާއި މަސްޖިދުއް ނަބަވީގައި މިއަދު ދެވޭ ހުކުރު ޚުތުބާ، ފުރަތަމަ ފަހަރަށް 35 ބަހަށް ތަރުޖަމާކޮށްގެން ގެނެސްދެވޭނެކަމަށް އިއުލާންކޮށްފިއެވެ.
މިއަދުގެ ހުކުރު ހުތުބާ ދެއްވާނީ ދެ ޙަރަމްފުޅު ބަލަހައްޓާ އިދާރާގެ ރިޔާސަތުގެ ރައީސް، ޝައިޚް އަބްދުއް ރަޙްމާން އައް ސުދައިސްއެވެ. ހުކުރު ނަމާދު އިމާމުވެ ކުރައްވާނީ ވެސް ޝައިޚް ސުދައިސްއެވެ.
ދެ ޙަރަމްފުޅު ބަލަހައްޓާ އިދާރާގެ ރިޔާސަތުން ބުނެފަްިވާ ގޮތުގައި، މި ހުކުރު ޚުތުބާ ގިނަ ބަސްތަކަށް ތަރުޖަމާ ކުރަން ނިންމާފައިވާ މައިގަނޑު މަޤްޞަދަކީ ވީހާވެސްގިނަ ޢުމްރާވެރިންނާއި އަޅުކަންކުރާ މީހުންނަށް ޚުތުބާ ފޯރުކޮށްދީ، ހުކުރު ދުވަހުގެ މާތްކަމާއި އަދަބުތަކާއި ބެހޭ މައުލޫމާތު ފޯރުކޮށްދިނުމެވެ.
ދެ ޙަރަމްފުޅު ބަލަހައްޓާ އިދާރާގެ ރިޔާސަތުގެ ފަރާތުން ފަހީމް އަލް-ހާމިދު މީޑިއާތަކަށް މިކަމާ ބެހޭ ގޮތުން މައުލޫމާތު ދެއްވަމުން ވަނީ، ހުކުރު ޚުތުބާ ގިނަ ބަސްބަހަށް ތަރުޖަމާކުރުމަށް ރިޔާސަތުން ދެއްވާ އަހަންމިއްޔަތު ފާހަގަކުރައްވާފައެވެ.
އޭނާ ވިދާޅުވީ މިއީ ތަފާތު ގައުމުތަކުގެ މީހުންނާ މުޢާމަލާތްކޮށް، ސަގާފަތް ހިއްސާކުރުމަށް އެޅޭ ވަރަށް މުހިންމު ފިޔަވަޅެއް ކަމުގައެވެ. އަދި މިފަދަ މަސައްކަތްތަކުން އިސްލާމީ ރިވެތި އުޞޫލުތައް ދުނިޔޭގެ އެކި ކަންކޮޅުތަކަށް ފެތުރިގެންދާނެ ކަމަށްވެސް އޭނާ ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
