ކުއްލި ގޮތަކަށް އިމިގްރޭޝަން ކޮންޓްރޯލާގެ މަގާމުން ވަކިކުރި ޝަމްއާން: ފޮޓޯ/ އިމިގްރޭޝަން)
ކުއްލި ގޮތަކަށް އިމިގްރޭޝަން ކޮންޓްރޯލާގެ މަގާމުން ވަކިކުރި ޝަމްއާން: ފޮޓޯ/ އިމިގްރޭޝަން)
ހަބަރު 26 May 2025 | 10:00

ބިދޭސީން އަތުން އަތުލި ފައިސާއިން ޝަމްއާންގެ 2 ސްޓޫޑަންޓް ލޯނެއް ދެއްކި: ޕީޖީ

ކޮރަޕްޝަންގެ ތުހުމަތުކޮށް މޯލްޑިވްސް އިމިގްރޭޝަންގެ ކޮންޓްރޯލަރުކަމުން ވަކިކުރި މުހައްމަދު ޝަމްއާން ވަހީދު، ބިދޭސީން އަތުން އަތުލި ފައިސާއިން އޭނާގެ 2 ސްޓޫޑެންޓް ލޯނެއް ދައްކާފައިވާ ކަމަށް ޕީޖީ އޮފީހުން ބުނެފިއެވެ.

ޝަމްއާންގެ މައްޗަށް ހިންގި ތަހުގީގު ނިންމާ މި މަހުގެ 11 ވަނަ ދުވަހު އެ މައްސަލަ ޕީޖީ އޮފީހަށް ފޮނުވާފައިވާ ކަމަށް ފުލުހުން ވަނީ ހާމަކޮށްފަ އެވެ. ޕީޖީ އޮފީހުން ބުނީ ޝަމްއާންގެ މައްޗަށް ތިން ދައުވާއެއް އުފުލާ ކްރިމިނަލް ކޯޓަށް މައްސަލަ ފޮނުވާފައިވާ ކަމަށެވެ.

އެގޮތުން، އޭނާގެ މައްޗަށް އުފުލީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ އާއި މަނީ ލޯންޑްރިންގެ ދައުވާ އާއި ފޭރުމުގައި ބައިވެރިވުމުގެ ކުށުގެ ދައުވާ އެވެ.

ދައުވާގެ ތަފްސީލްގައި ހާމަކޮށްފައިވާ ގޮތުގައި، ޝަމްއާން މަގާމުގައި ހުރި އިރު، ރެއިޑް ޖެހުމުގެ ކަންކަން ވިލަރެސްކޮށްފައިވާ އިމިގްރޭޝަންގެ ޑިޕާޓްމަންޓަށް އެންގުމެއް ނެތި، ބިދޭސީންތަކެއް ރާއްޖޭގައި ކުރާ މަސައްކަތް ބެލުމަށް މާރިޗު 11 ވަނަ ދުވަހު ވަނީ ހަތަރު މުވައްޒަފަކަށް އިރުޝާދު ދީފައެވެ. އަދި އެ މުވައްޒަފުން އެ ރެއިޑް ޖަހާފައިވަނީ ރެއިޑް ޖެހުމުގެ ރަސްމީ ހުއްދައެއް ނެތި، މޯލްޑިވްސް އިމިގްރޭޝަންގެ އުސޫލުތަކާ ހިލާފަށް ކަމަށްވެސް ތުހުމަތު ކޮށްފައިވެއެވެ.

އެގޮތުން، ޝަމްޢާންގެ އެންގުމަށް އެ މުވައްޒަފުންތައްތައް ފަރީދީމަގުގައި ހުންނަ މ. އޯރްމަންގޭގެ އެންމެ ތިރީ ބުރިއަށް ގޮސް، ދޮރުގައި ޓަކި ޖެހުމަށް ފަހު، "އިމިގްރޭޝަން ޗެކް"އަކަށް އައީކަމަށް ބުނެފައިވާ ކަމަށާ، އެގޭ ތެރެއަށް ވަދެ ގެ ބަލައި ފާސްކޮށް ހެދުމަށް ފަހު، އެ ތަނުގައި ގިނަ ފައިސާތަކަކާ އެކު ބިދޭސީން ތިބިކަމުގެ މައުލުމާތު ޝަމްއާންއަށް ދީފައިވާ ކަމަށް ބުނެފައިވެއެވެ.

ޕީޖީން ބުނެފައުވާ ގޮތުން، އިމިގްރޭޝަންގެ ތަންތަން ރެއިޑް ޖެހުމަށް ވިލަރެސްކުރެވިފައިވާ ޑިޕާޓްމަންޓުގެ މުވައްޒަފުންނަށް އެގެއާ ބެހޭ މައުލޫމާތު ދީފައިވަނީ އެކަންކަން ބެލުމަށްފަހުގައެވެ.

އެއާއެކު އިމިގްރޭޝަންގެ ރިސްކް ސެކްޝަން މުވައްޒަފުން އެ ތަނަށް ހާޒިރުވެ، އެތަނުގައި ތިބި ބިދޭސީންގެ ތެރެއިން މައިނުއްދީން ނަމަކަށް ކިޔާ ބަންގްލަދޭޝްގެ ރައްޔިތަކު 530،000ރ. އާއެކު އިމިގްރޭޝަންގެ ބެލުމުގެ ދަށަށް ގެންގޮސްފައިވާކަން ފާހަގަކޮށްފައިވެއެވެ.

އެފަހުން، ޖެހިގެން އައި ދުވަހުގެ ރޭ އެ ބިދޭސީ މީހާ އިމިގްރޭޝަންގެ ބަންދުން ދޫކޮށްދިނުމަށް އޭނާގެ ސްޕޮންސަރުގެ ނަމުގައި ސައްހަ ނޫން ސިޓީއެއް އިމިގްރޭޝަންގެ މެއިލަށް ފޮނުވާފައިވާއިރު، އެ މެއިލް ލިބުމުން، އޭނާ ދޫކޮށްލާފައިވާ ކަމަށާ، ދޫކުރުމަށް ފަހު، އޭނާގެ އަތުގައި ހުރި ފައިސާ ދިނުމަށް އަންގާފައިވާ ކަމަށް ބުނެފައިވެއެވެ.

އަދި އެ ފައިސާ ނުދެވޭނެ ކަމަށް މައިނުއްދީން ބުނުމުން، އޭނާގެ އަތުން 500،000ރ. އަތުލުމަށް ޝަމްއާން އަންގާފައިވާ ކަމަށާ، އެންގުމުން، އެ ފައިސާ އަތުލައި ދެ ދުވަސް ތެރޭގައި ރާއްޖެ ދޫކޮށް ނުގޮސްފި ނަމަ އިތުރު ދަތިތަކެއް ކުރިމަތިވާނެކަމަށް ބުނެ އޭނާއަށް ބިރުދައްކާފައިވާ ކަމަށް ޕީޖީ އޮފީހުން ބުނެފައިވެއެވެ.

އެފަހުން، މާޗު މަހުގެ 13 ވަނަ ދުވަހުރޭ ދަންވަރު ޝަމްއާން ދިރިއުޅޭ ގެއަށް އެ އަތުލި ފައިސާ ގެންގޮސް ދިނުމުން އެ ފައިސާގެ ތެރެއިން 400،000ރ. ޝަމްއާން ބަލައިގަނެފައިވާއިރު އެ ފައިސާ އަތުގައި ބެެހެއްޓުމަށް ފަހު، ހަމަ އެ ދުވަހު އެ ފައިސާގެ ތެރެއިން ބައެއް ބޭނުންކޮށްގެން އޭނާގެ ނަމުގައި ނަގާފައިވާ ދެ ސްޓޫޑަންޓް ލޯންއަކަށް ފައިސާ ދެއްކާފައިވާ ކަމަށް ޕީޖީ އޮފީހުން ބުނެފައިވެއެވެ.

އެގޮތުން؛

އެއް އެކައުންޓަށް 149،491ރ. ޖަމާކޮށްފައިވޭ

އަނެއް އެކައުންޓަށް 110،345ރ ޖަމާކޮށްފައިވޭ

ޕީޖީ އޮފީހުން ވަނީ މައިނުއްދީންގެ އަތުން ފޭރިގަނެފައިވާ ކަމަށް ފުލުހުން ތުހުމަތުކުރާ 500،000ރ.އަށްވާ ބަދަލު އެ ބިދޭސީމީހާއަށް ނަގައިދިނުމަށް ދައުވާގައި އެދިފައެވެ.

ޝަމްޢާންގެ މައްޗަށް ކޮށްފައިވާ ދައުވާތައް ސާބިތުވެއްޖެނަމަ ވިއްސަކަށް އަހަރުގެ ޖަލު ހުކުމެއް އަންނާނެ އެވެ.

ބިދޭސީން އަތުން ނާޖައިޒު މަންފާ ހޯދުމުގެ ތުހުމަތުގައި ޝަމްއާން ހައްޔަރު ކުރީގެ މާޗް މަހުގެ 21 ވަނަ ދުވަހުގެ ރޭގެ ވަގުތެއްގަ އެވެ. އޭގެ ކުރީން އިމިގްރޭޝަންގެ އިތުރު ހަތަރު އޮފިސަރަކު ހައްޔަރު ކުރި އެވެ.

އެ މީހުންގެ މައްޗަށް ވެސް ވަނީ ދައުވާ އުފުލާފަ އެވެ.

އޭގެ ތެރެއިން، ދެން މި މައްސަލާގައި އެންމެ ގިނަ ދައުވާތަކެއް ކޮށްފައިވާ އިބްރާހީމް އަހުމަދަށް ބިދޭސީ މީހާއަތުން އަތުލި 100،000ރ ދީފައިވާ ކަމަށް ޕީޖީ އޮފީހުން ބުނެފައިވެއެވެ.

ޝަމްއާން ހިމެނޭހެން ހަތަރު މީހުންވެސް ތިބީ ޝަރީއަތް ނިމެންދެން ޖަލުގައި ބަންދު ކޮށްފަ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޖިނާއީ ކުށެއް ނުފެނުނު, ކުރީގެ ފަނޑިޔާރު މަހާޒުގެ މައްސަލަ ވެސް ފައިލްކޮށްފި
08 Oct 2026 ހަބަރު

ޖިނާއީ ކުށެއް ނުފެނުނު, ކުރީގެ ފަނޑިޔާރު މަހާޒުގެ މައްސަލަ ވެސް ފައިލްކޮށްފި

ސުޕްރީމް ކޯޓުގެ ކުރީގެ ފަނޑިޔާރު މަހާޒު އަލީ ޒާހިރު މަގާމުގެ ނުފޫޒު ނާޖާއިޒު ގޮތުގައި ބޭނުންކުރެއްވި ކަމަށް ތުހުމަތުކޮށް ހިންގި ތަހުގީގުން ޖިނާއީ ކުށެއް ފެންނަން ނެތުމުން، ޕްރޮސެކިއުޓާ ޖެނެރަލް (ޕީޖީ)...