ވެމްކޯގެ ހިޔާނާތްތައް ބަލަނީ؛ ތިން އިދާރާއަށް ލިޔެކިޔުންތައް ދީފި
ލިޔުންތެރިޔާ
އަހުމަދު ހަމީދު އާދަމް
ފާއިތުވެދިޔަ އަހަރުތަކުގެ އިންޓާނަލް އޮޑިޓް ރިޕޯޓްތަކުން ފާހަގަވެފައިވާ މައްސަލަތަކާއި މާލިއްޔަތު ގާނޫނާއި ހިލާފަށް ކޮށްފައި ހުރި މުއާމަލާތްތަކުގެ މައުލޫމާތު ތަހުގީގީ އިދާރާތަކަށް ދީފައިވާ ކަމަށް ވެމްކޯ އިން ބުނެފި އެވެ.
ވެމްކޯ އިން ވަނީ އެކަން ހާމަކޮށް މިރޭ ބަޔާނެއް ނެރެފަ އެވެ. އެ ކުންފުނިން ބުނީ ފާއިތުވެދިޔަ އަހަރުތަކުގެ އިންޓާނަލް އޮޑިޓް ރިޕޯޓްތަކުން ފާހަގަވެފައިވާ މައްސަލަތަކާއި މާލިއްޔަތު ގާނޫނާއި ހިލާފަށް ކޮށްފައި ހުރި މުއާމަލާތްތަކުގެ މައުލޫމާތު ބެލުމަށް އެ ކުންފުނީގެ އިސްނެގުމަށް މިހާރު ވާނީ ކަމާބެހޭ ތަހުގީގީ އިދާރާތަކަށް ފޯރުކޮށްދޭން ޖެހޭ ހުރިހާ މައުލޫމާތެއް ހިއްސާކޮށްފައި ކަަމަށެވެ. އަދި އެ އިދާރާތަކުން އިތުރަށް ބޭނުންވެގެން އެދިފައިވާ ހުރިހާ މަޢުލޫމާތުތަކެއް ވެސް ފޯރުކޮށްދީ ފުރިހަމަ އެއްބާރުލުން ދީފައި ކަމަށް ވެސް ބުންޏެވެ.
އެ ގޮތުން އޮޑިޓަރު ޖެނެރަލްގެ އޮފީހާއި އެންޓި ކޮރަޕްޝަން ކޮމިޝަނާއި ދިވެހި ފުލުހުންގެ ހިދުމަތަށް އެކި މައްސަލަތަކާއި ގުޅުންހުރި ލިޔެކިޔުންތަކާއި އިތުރު މައުލޫމާތު ފޯރުކޮށްދީފައިވާ ކަމަށް ވަނީ ބުނެފަ އެވެ.
އެ ކުންފުނިން ބުނީ ރައްޔިތުންނާއި ގުޅުންހުރި މިފަދަ މާލީ މައްސަލަތައް ބެލި އެ މައްސަލަތައް ކަމާބެހޭ އިދާރާތަކަށް ހުށައަޅައިގެން ކުރިއަށް ގެންދާނެ ކަމުގެ ޔަގީންކަން ދޭ ކަމަށާ ވެމްކާއާ ގުޅުންހުރި ކޮރަޕްޝަންގެ އަމަލުތަކަށް ފިޔަވަޅު އަޅައި ކުށްވެރިވާ ފަރާތްތައް ގާނޫނުގެ ކުރިމައްޗަށް ގެންނާނެ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
