ތައުލީމީ އެއްވެސް ޝަރުތެއްނެތި މަޖިލީހަށް ކުރިމަތިލެވެނީ ކީއްވެ؟ - އަޝްރަފް
ލިޔުންތެރިޔާ
ޝަފްރާޒް އަހްމަދު
ދިވެހިރާއްޖޭގެ ހުކޫމަތުގެ ގާނޫނުތައް ހަދާ ތަނަކަށް ރައްޔިތުންގެ މަޖިލިސް ވީހިނދު، ތައުލީމީ އެއްވެސް ޝަރުތަކާ ނުލައި މަޖިލީހަށް ކުރިމަތިލެވެނީ ކީއްވެތޯ ދިވެހިބަހުގެ އެކަޑަމީގެ ރައީސް އަޝްރަފް ޢަލީ ސުވާލު އުފައްދަވައިފިއެވެ.
އަޝްރަފް މިހެން ވިދާޅުވެފައިވަނީ އޭނާ ފޭސްބުކްގައި އާއްމުކުރެެއްވި ސްޓޭޓަސްއެއްގައެވެ.
މަޖިލީހުން ސަރުކާރުގެ މުއައްސަސާތަކަށް ކުރިމަތިލައްވާ ފަރާތަކުގެ ޝަރުތުރައް ކަނޑައަޅުއްވަމުނެ ގެންދަވާއިރު މަޖިލިސް ފަދަ ޒިންމާބޮޑު ތަނަކަށް މިފަދަ ހަރުދަނާ، އިލްމީ ޝަރުތުތަކެއް ހިމަނާފައި ނުވާކަން ފާހަގަކޮށްލަންޖެހެއެވެ.
އަޝްރަފް އިތުރައްވަނީ މިކަމަށް ޤާނޫނެއް ހެދިދާނެތޯވެސް ސުވާލުކުރައްވާފައެވެ.
މިކަމާމެދު ހިޔާލުފާޅުކުރަމުން ބައެއްފަރާތަކުން އާދައިގެ ވަޒީފާއަކަށް "އޭ" ރިޕޯޓް ނެތި ވަޒީފާ ނުލިބޭކަމަށާއި އަދި ޕޮލިސް ރިޕޯޓުގައި ކުޑަ ނަމަވެސް ލައްކޮޅެއް ޖެހިފައި ވާނަމަ ވަޒީފާ ލިބެން އުދަގޫވާނެކަމަށެވެ.
އެހެން ފަރާތަކުން ހިޔާލުފާޅުކުރިގޮތުގައި ތައުލީމީ ބޭފުޅުން ކުރިމަތިލެއްވުމުން އެބޭފުޅުންނަށް ވޯޓު ރައްޔިތުން ނުދެއްވާ ބާކީކޮށްލަނީކަމަށެވެ.
މަޖިލިސް އިންތިހާބުގެ ފޯރި ގަދަވެފައިވާއިރު މިފަހަރުގެ މަޖިލިސްގައި ތައުލީމީ ފަރާތްތައް ހޮވުމަށް ސޯޝަލް މީޑިއާގައި ދަނީ ކެންޕެއިންތަކެއް ކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
