އަގުހެޔޮ ފްލެޓުތަކުގެ ތިން ކޮޓަރީގެ ތަނެއްގެ އަގު އުޅޭނީ 10،000ރ. ގައި: ޝަރީފް
ލިޔުންތެރިޔާ
އަޙްމަދު އާހިލް ސަޢީދު
ބީއެމްއެލްއާއި ހަވާލުކޮށްގެން އިމާރާތްކުރާ ފްލެޓުތަކުގެ އަގު އުޅޭނީ ގާތްގަނޑަކަށް 10،000ރ. ގައި ކަމަށް އެ ބޭންކްގެ ސީއީއޯ މުހައްމަދު ޝަރީފް ވިދާޅުވެއްޖެއެވެ.
ޝަރީފް މިހެން ވިދާޅުވެފައިވަނީ ރޭ ޕީއެސްއެމްގެ ރާއްޖެ މިއަދު ޕްރޮގްރާމުގައި ވާހަކަ ދައްކަވަމުންނެވެ.
ސަރުކާރުގެ "އާއިލީ ބޯހިޔާވެހިކަން އެންމެންނަށް" ފްލެޓް ސްކީމުގެ ދަށުން މިނިސްޓްރީ އޮފް ކޮންސްޓްރަކްޝަން އެންޑް އިންފްރަސްޓްރަކްޗަރ އިން ވަނީ 3،260 ފްލެޓް މާލެ ސަރަހައްދުގައި އެޅުމަށް ބީއެމްލްއާއި ހަވާލުކޮށްފައެވެ. މި ފްލެތްތައް އަޅާނީ ބީއެމްއެލްގެ ސަބްސިޑިއަރީ ކުންފުނި، ބީއެމްއެލް އެފޯޑަބަލް ހޯމް ލީސިން އިންނެވެ.
އަގުހެޔޮ ފްލެޓު މަޝްރޫއުގެ އެންމެ ބޮޑު ބޭނުމަކީ ވެސް ރައްޔިތުންނަށް އަތްފޯރާ އަގެއްގައި ބޯހިޔާވަހިކަން ފޯރުކޮށްދިނުން
ބީއެމްއެލްގެ ސީއީއޯ މުހައްމަދު ޝަރީފު ވިދާޅުވިއެވެ.
ލީސް ޓު އޯން ނުވަތަ މަހުން މަހަށް ކުލި ދައްކައިގެން މިލްކު ކުރެވޭ މޮޑެލްއެއްގައި އެ މަޝްރޫއު ކުރިއަށް ގެންދަނީ ވެސް އެ ސަބަބާހުރެ ކަމަށް ޝަރީފް ވަނީ ފާހަގަކުރައްވައިފައެވެ.
މީގެ ތެރޭގައި ކުލި މިހާވަރެކޭ ދަންނަވައި، ފައިނަލް ކުރަން ތަންކޮޅެއް އަވަސް. އަޅުގަނޑަށް ގަބޫލުކުރެވޭ ގޮތުގައި ގާތްގަނޑަކަށް 10،000 ވަރަކަށް ހާސް ހިސާބުގައި ތިން ބެޑްރޫމް އެޕާޓްމަންޓެއްގެ ކުލި ހަމަޖެހިގެން ދިއުމަކީ އެކަށީގެންވާ ކަމެއް އަޅުގަނޑުމެން މިހާރު ހިސާބުކުރަމުންދާ ވަރަށް ބަލާއިރު
ޝަރީފު ވިދާޅުވިއެވެ.
ޝަރީފް ވިދާޅުވީ މާކެޓުގައި ތިން ކޮޓަރީގެ އެޕާޓްމަންޓެއްގެ އަގަކީ 25،000-30،000ރ. އާ ދެމެދުގައި ކަމަށެވެ. އެހެންކަމުން، ކުލި އެހާ ކުޑަވުމަކީ ފްލެޓު ލިބޭ މީހުންނަށް ވަރަށް ބޮޑު ލުޔަކަށް ވާނެ ކަމަށް ވިދާޅުވި އެވެ.
މީގެ އިތުރުން، ޝަރީފް ވިދާޅުވީ ބީއެމްއެލް އިން އިމާރާތްކުރާ ހުރިހާ ފްލެޓެއްގެ މަސައްކަތް ހަވާލުކޮށްފައިވާ ކޮންޓްރެކްޓަރުން ވަނީ 2028 ގައި އެ މަޝްރޫއުތައް ނިންމުމަށް އެއްބަސްވެފައި ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
