ކުރީގެ ބަންޑާރަ ނާއިބު އަދި މަޝްހޫރު ގާނޫނީ ވަކީލާ އަލްއުސްތާޒާ އައިޝަތު އާޒިމާ ޝަކޫރު
ކުރީގެ ބަންޑާރަ ނާއިބު އަދި މަޝްހޫރު ގާނޫނީ ވަކީލާ އަލްއުސްތާޒާ އައިޝަތު އާޒިމާ ޝަކޫރު
ހަބަރު 29 Sep 2026 | 16:28

ސިޔާސީ ވިސްނުމުގައި ސަރުކާރު ބަލިކުރަން އިންވެސްޓްމަންޓްތައް ބޭރުކުރީމާ ގެއްލުންވާނީ ރައްޔިތުންނަށް: އާޒިމާ

ސިޔާސީ ވިސްނުމުގައި ސަރުކާރު ބަލިކުރަން އިންވެސްޓްމަންޓްތައް ބޭރުކުރީމާ ގެއްލުންވާނީ ރައްޔިތުންނަށް ކަމަށް ކުރީގެ ބަންޑާރަ ނާއިބު އަދި މަޝްހޫރު ގާނޫނީ ވަކީލާ އަލްއުސްތާޒާ އައިޝަތު އާޒިމާ ޝަކޫރު ވިދާޅުވެއްޖެ އެވެ.

އާޒިމާ މިހެން ވިދާޅުވީ ފޭސްބުކްގައި މިއަދު ކުރެއްވި ޕޯސްޓެއްގަ އެވެ.

އެކަމަނާ ވިދާޅުވީ ދިވެހިންގެ ގައުމީ ލަނޑުދަނޑިއަކީ 2040 ވަނަ އަހަރާ ހަމަޔަށް ތަރައްގީ ވެފައިވާ ގައުމަކަށް ދިވެހިރާއްޖެ ވެގެން ދިޔުން ކަމަށާ މިކަން ހާސިލުކުރުމަށްޓަކައި ދިވެހިރާއްޖޭގެ ހުރިހާ ވިސްނުންތަކެއް މި މިސްރާބަށް ބައްޓަންވާންޖެހޭ ކަމަށެވެ.

ތަރައްގީގެ ރާސްތާގައި ދިވެހިންނަށް އެންމެ ކަމުދާ ގައުމަކީ ސިންގަޕޫރު ކަން ފާހަގަ ކުރައްވާ އާޒިމާ ވިދާޅުވީ ސިންގަޕޫރުގެ ތަރައްގީ އަކީ އިޖްތިމާޢީ އަހްލާގާއި، ލަނޑުދަނޑިއަށް ވާސިލުވާން ތަރައްގީކުރި ގައުމީ ވިސްނުންތަކާއި އަދި ގައުމުގެ ކާމިޔާބީއާ ދެކޮޅަށް ރައްޔިތުން މަސައްކަތްނުކުރުމުގެ ނަތީޖާކަމުގައި ދެންނެވުމަކީ ކުށަކަށްނުވާނެ ކަމަށެވެ.

ދިވެހިރާއްޖޭގެ ތަރައްގީއަށް މިއަދު އޮންނާނޭ އެންމެ ބޮޑު ގޮންޖެހުމަކަށް ވާނީ ދިވެހި އާބާދީ މުސްކުޅިވުމާ ދިމާލަށް މިސްރާބު ޖެހުމާއި ކަރުދާހުގައި ކުރެހިފައިވާ ދިވެހިންގެ އުންމީދުތައް ހަގީގަތަކަށް ބަދަލުކުރުމަށް ބޭނުންވާނޭ ތަމްރީނުވެފައިވާ އިންސާނީ ވަސީލަތްތަކާއި އެކަށީގެންވާ އިންވެސްޓްމަންޓްތައް ގެނައުމަށް ބޭނުންވާނޭ ފެކްޓާސް ފުރިހަމަ ކުރުން ކަމުގައި ވިދާޅުވި އެވެ.

"އެކަށީގެންވާ މުއްދަތެއް ލިބިނުދީ އެކަށީގެންވާ އިންވެސްޓްމަންޓްތަކެއް ނުގެނެވޭނެ. ކަންބޮޑުވާންޖެހެނީ 99 އަހަރަށް ކުއްޔަށް ދީގެނެއްނޫން. ކަންބޮޑުވާންޖެހޭނީ މުއްދަތުކުރުވިޔަސް ދިވެހި ދައުލަތުގެ ދުސްތޫރީ އަދި ގާނޫނީ އޮނިގަނޑުގެ ދަށުގައި އިންވެސްޓްމަންޓްތައް ނުހުންނަމަ ވާންޖެހޭ ކަންބޮޑުވުން. ބިން އަދި އިންވެސްޓްމަންޓް ދިވެހިރާއްޖޭގެ ސިޔާދަތީ އަދި ގާނޫނީ ބާރުވެރިކަމުގެ ދަށުން ނުނެއްޓެވޭނަމަ، ކުއްޔަށް ދިނުމުގެ މައްސަލައެއް އޮވެގެން ނުވާނެ. ކުއްޔަށް ދިނުމުން ލިބޭ ޤާނޫނީ ބާރުވެރިކަމާއި ބިން މިލްކުވުމުން ލިބޭ ގާނޫނީ ބާރުވެރިކަމުގައި ގާނޫނީގޮތުން ވަރަށް ބޮޑެތި ތަފާތުތަކެއް ހުންނާނެ," އާޒިމާ ވިދާޅުވި އެވެ.

އާޒިމާގެ ޕޯސްޓްގައި ވިދާޅުވީ މިއަދުގެ ދުނިޔޭގައި ހުންނަ މަދުފައިސާ ގައުމަށް ގެނައުމަށް ގައުމުތަކުން ފޯރުކޮށްދޭން އެއްބަސްވާ ފުރުސަތުތައް ހުއްޓައި ދިވެހިރާއްޖެއަށް އިންވެސްޓްކުރުމަށް ބަޔަކު އައުމަކީ އެކަމަށް އީޖާބީ ނަޒަރަކުން ވިސްނަންޖެހޭ ކަމެއް ކަމަށެވެ. ސިޔާސީ ވިސްނުމުގައި ސަރުކާރު ބަލިކުރަން އިންވެސްޓްމަންޓްތައް ބޭރުކުރީމާ ގެއްލުން ވަނީ ވެރިމީހާ އަކަށްނޫން ކަމަށާ ގެއްލުންވަނީ ހުރިހާ ދިވެހިންނަށް ކަމުގައި ވިދާޅުވި އެވެ.

"މިކަން މިހާހިސާބަށް ސިޔާސީ ވިސްނުމުގައި ދިވެހިރާއްޖެއިން ފަހާލެވުނު ބޮޑެތި އިންވެސްޓްމަންޓްތަކާއި އެ ފައިސާ ދުނިޔޭގައި ދެން އިންވެސްޓްކުރެވުނު ގޮތްތަކުން އެހެރީ ފެންނާން," އާޒިމާ ވިދާޅުވި އެވެ.

އާޒިމާގެ ޕޯސްޓްގައި ވަނީ އެކަމަނާގެ އެ ވާހަކަތަކާއި ގުޅިގެން ޖީއެމްއާރު ބޭރުކުރި ވާހަކަ ދައްކާ މީހުންގެ ސުވާލުތަކަށްވެސް ޖަވާބު ދެއްވާފަ އެވެ.

އެކަމަނާ ވިދާޅުވީ ޖީއެމްއާރްގެ މައްސަލައަކީ ދިވެހިރާއްޖޭގެ މާލީ، ގައުމީ ސަލާމަތާ އަދި ފަތުރުވެރިކަމުގެ ސިނާއަތަށް ސީދާ ގޮންޖެހުންތަކެއް ހުރެގެން ބާތިލުކުރަންޖެހުނު އެއްބަސްވުމެއް ކަމަށެވެ. އަދި އެކަންކަން އިސްލާހުކުރަން ކުރި މަސައްކަތް ކާމިޔާބު ނުވުމުން ބާތިލުކުރަން ޖެހުނު އެއްބަސްވުމެއް ކަމުގައި ވިދާޅުވި އެވެ.

މިއަދު މިފެންނަ އެއާޕޯޓު އަދި އެއާޕޯޓުގެ ފައިދާ ދިވެހިންނަށް ލިބުމަށް މަގުފަހިވެގެން ދިޔައީ އެއްބަސްވުން ބާތިލުކުރީމާ ކަމަށާ އެއްބަސްވުން އޮތްނަމަ ކަންވެދާނޭގޮތް އެކި ފަހަރު އެކި ޕްލެޓްފޯމްތަކުން ދިވެހިން ވާނީ އަޑުއަހާފައި ކަމަށެވެ.

ދިވެހިންގެ މަސައްކަތުން ތަރައްގީ ކޮށްފައިވާ ކުންފުނިތަކުގެ ހިއްސާ ބޭރުގެ ފަރާތްތަކަށް ވިއްކައި ދިވެހިރާއްޖޭގެ އިގްތިސާދުގެ އަދި ކްރިޓިކަލް އިންފްރަސްޓްރަކްޗަގެ ކޮންޓްރޯލް ބޭރުގެ މީހުންނަށް ހަވާލުކުރުމާއި ކަނޑުމެދުން ހިއްކައި އެއްވެސް ވަސީލަތެއްނެތް ފަސްގަނޑެއްގައި ތަރައްގީގެ މަޝްރޫއު ހިންގައި ތަން އާބާދުކުރުމަށް ފުރުސަތު ދިނުމާ ވަރަށް ތަފާތު ކަމުގައި އާޒިމާ ވިދާޅުވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ރައީސް އޮފީހުގެ ޕްރިންސިޕަލް ސެކްރެޓަރީގެ މަގާމަށް ޢާޒިމާ ޝަކޫރު އައްޔަންކުރައްވައިފި
23 Aug 2026 ހަބަރު

ރައީސް އޮފީހުގެ ޕްރިންސިޕަލް ސެކްރެޓަރީގެ މަގާމަށް ޢާޒިމާ ޝަކޫރު އައްޔަންކުރައްވައިފި

ރައީސުލްޖުމްހޫރިއްޔާގެ އޮފީހުގެ ޕްރިންސިޕަލް ސެކްރެޓަރީގެ މަގާމަށް ކުރީގެ ބަންޑާރަ ނާއިބު ޢާޒިމާ ޝަކޫރު އައްޔަންކުރައްވައިފިއެވެ. ޢާޒިމާ ޢައްޔަންކުރެއްވީ ޤައުމީ ސަރަޙައްދާއި ސިޔާދަތާ ބެހޭ ޕްރިންސިޕަލް...