ޝާދިޔާއާ ޝަޒްރާގެ ބަންދުގެ މުއްދަތު އިތުރުކޮށްފި
ރާއްޖޭގައި ހުރި ބައެއް އެމްބަސީތައް ކައިރިއަށް ގޮސް އިޒްރޭލާ ދެކޮޅަށް އަޑު އުފުލަމުންދިޔަ ސާދިޔާ އާއި ޝަޒުރާގެ ބަންދަށް 5 ދުވަސް ޖަހައިފިއެވެ.
ޝާދިޔާ އާއި ޝަޒްރާ ހައްޔަރުކުރެވުނު އެއް ސަބަބަކީ ޑިޕްލޮމެޓިކް މިޝަންތަކުގެ ކައިރީގައި ތަކުރާރުކޮށް އެއްވުމެވެ. މީގެ އިތުރުން އަޑުގަދަކުރާ ބޭނުންކޮށްގެން ހަޅޭއްލެވުމާއި މުޖުތަމައުއަށް އެކަށީގެން ނުވާ ބަހުރުވައިން މުޢާމަލާތްކުރުން ހިމެނެއެވެ.
އަދި ވަކި ސަފީރަކަށް އުނދަގޫކުރުމުގެ އަމަލުތަކެއް އެ ދެމީހުން ހިންގިކަމަށާ އެމީހުން ފުލުހުންގެ އިރުޝާދުތަކަށްވެސް ތަބައުވެފައި ނުވާ ކަމަށް ފުލުހުން ބުނެއެވެ.
ފުލުހުން އިތުރަށް ބުނެފައިވާ ގޮތުން، މި އަމަލުތަކަކީ ސުލްހަވެރިކަމާއެކު އެއްވެއުޅުމުގެ މިނިވަންކަމުގެ ޤާނޫނާ ޚިލާފު ކަންތައްތަކެކެވެ. އަދި މީގެ ކުރިންވެސް މި ދެ އަންހެނުންނަށް ވަނީ މިފަދަ އަމަލުތައް ނުކުރުމަށް ނަސޭހަތްތެރިވެފައެވެ.
ކޯޓް އަމުރެއްގެ ދަށުން އެ ދެ މީހުން ހައްޔަރު ކުރީ މިދިޔަ މަހުގެ 28 ވަނަ ދުވަހު އެވެ.
އެ ދެ މީހުންގެ ބަންދާމެދު ގޮތް ނިންމަން ކޯޓަށް ހާޒިރު ކުރުމުން ފުރަތަމަ ޖަހާފައިވަނީ ތިން ދުވަހުސަކަމަށެވެ.
އަދި ބަންދުގެ މުއްދަތު ހަމަވުމުން އަލުން ކޯޓަށް ހާޒިރުކުރުމުން މި ފަހަރު އެ މީހުންގެ ބަންދަށް ވަނީ ފަސް ދުވަސް ވަނީ ޖަހާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
