ޑްރަގާއެކު ހައްޔަރުކުރި ބިދޭސީ މީހާއަށް އަނިޔާކުރި ކަމުގެ ޝަކުވާއެއް ނެތް
ލިޔުންތެރިޔާ
އަހުމަދު ހަމީދު އާދަމް
މަސްތުވާތަކެއްޗާއެކު ހައްޔަރުކުރި ބިދޭސީއަކަށް ފުލުހުން އަނިޔާކުރި ކަމަށް ކޮށްފައިވާ ތުހުމަތު ކުރިނަމަވެސް އެފަދަ ޝަކުވާއެއް ލިބިފައި ނެތް ކަމަށް ފުލުހުން ބުނެފި އެވެ.
ބިދޭސީއަކަށް ފުލުހުން އަނިޔާކުރި ކަމަށް ކޮށްފައިވާ ތުހުމަތު ކުރެވޭ މައްސަލަ ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އިން ތަހުގީގު ކުރަމުންދާކަން ދިވެހި ފުލުހުންގެ ހިދުމަތަށް އަންގާފައިވާ ކަމަށް އެ އިދާރާއިން މިރޭ ބުންޏެވެ.
އެ ކޮމިޝަނުން ކުރިއަށްގެންދާ ތަހުގީގަށް ފުލުހުންގެ ފުރިހަމަ އެއްބާރުލުން ލިބޭނެ ކަމުގެ ޔަގީންކަން ފުލުހުން ވަނީ ދީފަ އެވެ.
ފުލުހުން ބުނީ މި ތުހުމަތުތަކާ ގުޅިގެން ބެލިބެލުމުން، އެ މީހާ ބަންދުކުރުމުގެ މަރުހަލާގައި ނުވަތަ ބަންދުގައި ހުރި މުއްދަތުގައި ވެސް، އަނިޔާއެއް ލިބިފައިވާ ކަމުގެ އެއްވެސް ޝަކުވާއެއް ކޮށްފައިނުވާ ކަމަށެވެ. އަދި ބަންދުގެ އިޖުރާއަތްތަކުގެ ތެރެއިން މައުލޫމާތު ސާފުކުރިއިރު ވެސް، އަނިޔާގެ އެއްވެސް ވާހަކައެއް ހިއްސާކޮށްފައި ނުވާކަމާއި، ޑޮކްޓަރަށް ދެއްކުމަށް އެދިފައި ނުވާކަން ފާހަގަކުރެވިފައިވާ ކަމަށް ވެސް ބުންޏެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
