މި ހަފްތާ ބަންދުގައި ސަލަފުގެ ދަރުސްތައް 12 ރަށެއްގައި

ކުރިއަށް މި ދާ ބަރަކާތްތެރި ރަމަޟާން މަހު ހަފްތާ ބަންދުގައި ޖަމްއިއްޔަތުން ސަލަފުގެ ފަރާތުން ހިންގާ ދީނީ ހެލުންތެރިކަމުގެ ޕޮރޮގުރާމު 12 ރަށެއްގައި މި ހަފްތާ ބަންދުގައި ކުރިއަށް ގެންދާނެކަމަށް އެ ޖަމްޢިއްޔާއިން ހާމަކޮށްފިއެވެ.

އެ ޖަމްޢިއްޔާގެ މީސް މީޑިޔާގެ މަންސަތުގައި ހާމަކޮށްފައިވާ ގޮތުން މި ހަފްތާ ބަންދުގައި ސަލަފުގެ ޢިލުމުވެރިން ވަޑައިގަތުމަށް ހަމަޖެހިފައިވަނީ ހއ. ހޯރަފުށި ،ހދ.މަކުނުދޫ، ކުމުންދޫ ، ކުޅުދުއްފުށި ސިޓީ، ނ. ޅޮހި ، ނ. ކުޑަފަރި، ރ.މީދޫ، ބ.ދަރަވަންދޫ، ބ.ދޮންފަނު، ޅ.ހިންނަވަރު، ކ.ގާފަރު، ދ.ރިނބުދޫ އެވެ.

މި ދަރުސްތައް ދެއްވުމަށް 11 ޢިލުމުވެރިން ބައިވެރިވެ ވަޑައިގަންނަވާނެއެވެ.

ރަމަޟާން މަހުގެ ކޮންމެ ހަފްތާ ބަންދެއްގައި ކުރިއަށްދާ ސަލަފު ފޯރަމް މިހަފްތާގައި އޮތީ ހދ.މަކުނުދޫގައެވެ.

މީގެ އިތުރުން މި ހަފްތާގެ ޕޮރޮގްރާމުގައި ބ.ދަރަވަންދޫ ކައުންސިލާ ގުޅިގެން އެރަށުގައި އުަޅޭ ބަގްލަދޭޝް ރައްޔިތުން ބަންގާޅު ބަހުން އެ ޤައުމުގެ ޢިލުމުވެރިއެއް ލައްވާ ޚާއްޞަ ދަރުހެއް އޮންނާނެ ކަމަށްވެސް ސަލަފުން މަޢުލޫމާތު ދެއްވައެވެ.

ރަމަޟާން މަސް ފެށިގެން މި ހަފްތާ ބަންދާ ހަމައަށް 17 ރަށެއްގައި ސަލަފުންވަނީ ދީނީ ހޭލުންތެރިކަމުގެ ޕޮރޮގްރާމުތައް ހިންގާފައެވެ.