ރައީސް ނަޝީދު މައްސަލައިގެ އަޑު އެހުންތައް ނިންމާލައިފި

ކުރީގެ ރައީސް މުހައްމަދު ނަޝީދުގެ މައްޗައް ކޮށްފައިވާ 13 އަހަރުގެ ޖަލު ހުކުމް އަލުން ރިވިއުކުރުމަށް ދައުލަތުން އެދިފައިވާތީ އެކަމާގުޅިގެން މިއަދު ސުޕްރީމްކޯޓްގައި ކުރިއަށް ގެންދިއަ އަޑު އެހުންތައް ނިންމާލައިފިއެވެ.

މިއަޑު އެހުންތައް ނިންމަވާލައްވާފައި ވީނަމަވެސް ހުކުމް އިއްވާނެދުވަހެއް އަދި އިތުރު ތަފްސީލެއްވެސް މިހާތަނަށް ލިބިފައެއްނުވެއެވެ.

ޓެރަރިޒަމް ދައުވާއެއް ސާބިތުވެ، އައިސްފައިވާ މިޖަލު ހުކުމް އަލުން ރިވިއު ކުރުމަށް ދައުލަތުން ސުޕްރރީމް ކޯޓަށް ހުށަހެޅުމުން، އެމައްސަލައިގެ އަޑުއެހުތައް ފަށާފައިވަނީ މިއަދު 10:00 އެވެ.

ރައީސް ނަޝީދުގެ މައްޗަށް ސާބިތުވެފައިވަނީ ކުރިމިނަލް ކޯޓުގެ ކުރީގެ އިސްގާޒީ އަބުދުﷲ މުހައްމަދު ގަވައިދާއި ހިލާފަށް އެކަހެރިކޮށް ބެހެއްޓި މައްސަލައެއްގައި އުފުލި ޓެރަރިޒަމްގެ ދައުވާއެވެ.

އަދި އެކަމާ ގުޅިގެން 13 އަހަރުގެ ޖަލުހުކުމެއް އައިސް ފައިވާ ކުރީގެ ރައީސް ނަޝީދުގެ މައްސަލައިގައި އޭރު ކުރިމިނަލް ކޯޓުން ކުރި ހުކުމަށް މީގެކުރިން ހައިކޯޓާއި ސްޕްރީމްކޯޓުން ވެސް ވަނީ ތާއިދުކޮށްފައެވެ.

ރައީސް ނަޝީދުގެ އިތުރުން ދެން މިއަދު ތާވަލް ކުރެވިފައިވަނީ އަދާލަތު ޕާޓީގެ ރައީސް އަދި ހޯމް މިނިސްޓަރު ކަމުގެ  މަގާމް ފުރުއްވަމުން ގެންދަވާ ޝައިހް އިމްރާން އަބްދުﷲގެ މައްސަލަ ރިވިއު ކުރުމެވެ. މި އަޑު އެހުން ސުޕްރީމްކޯޓްގައި ތާވަލް ކުރެވިފައިވަނީ މިއަދު 13:00 އަށެވެ.