އަދީބަށް ޚާއްސަކޮށް، އެމްޓީޑީގެ އިފްތިތާހީ ޖަލްސާ ބާއްވައިފި

މޯލްޑިވްސް ތާޑްވޭ ޑިމޮކްރަޓްސް ޕާޓީގެ އިފްތިތާހީ ޖަލްސާގައި ރޭ ބާއްވައި، އެ ޖަލްސާ ކުރީގެ ނައިބު ރައީސް އަހުމަދު އަދީބަށް ޚާއްސަކޮށްފިއެވެ.

ރޭ ދަރުބާރުގޭގެ ރަންނަބަނޑޭރި މާލަމުގައި އޮތް މި ޖަލްސާގައި ވަނީ ގިނަ އަދަދެއްގެ ފަރާތްތަކުން ބައިވެރިވެފައެވެ.

އެ ޖަލްސާގައި ވާހަކަފުޅު ދައްކަވަމުން އެމްޓީޑީގެ މުސްތަޝާރު އިސްމާއިލް އާސިފް ވިދާޅުވީ އަދީބާއި ނުލާއި އެޕާޓީ ނޯންނާނެކަމަށެވެ. ރޭގެ ޖަލްސާގައި ވާހަކަފުޅު ދެއްކެވި ގިނަ މެންބަރުންވަނީ ކުރީގެ ނައިބު ރައީސް އަދީބަށް ވަރަށް ބޮޑަށް ތައުރީފުކުރައްވާފައެވެ. ރޭގެ ޖަލްސާގައި ވަނީ ދިހަ މެންބަރުންގެ މައްޗަށް ހިމެނޭ އެމްޓީޑީގެ އިންތިގާލީ ކައުންސިލެއް އެކުލަވާލާފައެވެ. އެއީ:

އިސްމާއިލް އާސިފް، ހ. ސިލްވަރީން

އަބްދުﷲ ޔާމީން ރަޝީދު، ނ. ވެލިދޫ، އަމަން

މަރިޔަމް ނަޝްވާ، މ. މަލުތެރޭގެ

އައިމިނަތު ވިޖްނާ މުހައްމަދު، ހ. ޕޯޓްސައިޑް

ޞާއިފް އަހްމަދު، ގދ. ވާދޫ، ހުސްނުހީނާގެ

މުހައްމަދު ރީހާން، ކ. ހުރާ، ވައިޖެހޭގެ

އަބްދުލް ރަޝީދު ނާފިޒް، މ. ލިލީސް

މަރިޔަމް ސިޔާނާ، ނ. ހޮޅުދޫ، ހުދުވެލި

ނިމްތާޒް ހިލްމީ، ސ. މަރަދޫ، ހިލްމަން

ހޫދު އަބްދުލްހަސީބް، ހ. ވެއްޕިލާ

އާނިސާ ހަސަން، ކ. ތުލުސްދޫ، ވައިލެޓްހައުސް، އެވެ.

ރޭގެ ޖަލްސާގައިވަނީ އެޕާޓީގެ ލޯގޯއާއި ދިދަވެސް ފާސްކޮށްފައެވެ.