މަންޓާ އެއާގެ މުވައްޒަފުންގެ މުސާރައިގެ އެއްބައި ދިވެހި ރުފިޔާއިން ދެނީ!
ރާއްޖޭގެ އަމިއްލަ އެއާލައިނެއް ކަމަށްވާ މަންޓާ އެއާލައިނުގައި މަސައްކަތް ކުރާ މުވައްޒަފުންގެ މުސާރަ އެއްބައި ދިވެހި ރުފިޔާއި ން ދިނުމަށް އެ އެއާލައިނުން ނިންމައިފިއެވެ.
ރާއްޖޭގެ ވައިގެ ދަތުރުފަތުރުގެ ހަބަރުތައް ގެނެސްދޭ އެވިއޭޓާ މޯލްޑިވްސްއިން ބުނެފައިވަނީ، މި ބަދަލު ގެނެސްފައި ވަނީ ދިވެހި ރާއްޖޭގައި ޑޮލަރު ދައުރުވާ މިންވަރު މަދު ވަގުތެއްގައި ކަމަށެވެ. ނަމަވެސް އެ ބަދަލު ގެނައުމަށް ނިންމި ރަސްމީ ސަބަބު އަދި މަންޓާ އެއާ އިން ހާމަކޮށްފައި ނުވާ ކަމަށެވެ. އެހެންނަމަވެސް، މިފަދަ ބަދަލު ތަކަކީ ޑޮލަރު ލިބުމަށް ދަތިވުމުގެ އިތުރުން، ބޭރު މާކެޓުުގައި ދިވެހި ރުފިޔާ ނުވަތަ ޑޮލަރުގެ އަގަށް އަންނަ ބަދަލު ތަކުގެ ސަބަބުން އަންނަ ބަދަލުތަކަކަށް ވުން އެކަށީގެންވާ ކަމަށެވެ.
އަދި އޭވިއޭޝަނުގެ އިތުރުން ޓޫރިޒަމް ދާއިރާގެ ވިޔަފާރިތަކަށް ވެސް މުވައްޒަފުންނަށް އެމެރިކާ ޑޮލަރުން މުސާރަ ދިނުމުގެ ދަތިތަށް ދިމާވަމުން އަންނަކަން ފާހަގަ ކުރެވިފައިވާ ކަމަށް ވެސް ބުނެފައިވެ އެވެ.
މިއަންނަ މަހުން ފެށިގެން މުސާރަ ދިނުމަށް ނިންމައިފައިވަނީ މި އޮނިގަނޑަށް ކަމަށް މަންޓާ އެއާ ގެ މުވައްޒަފުންނަށް މިހާރު ވަނީ އަންގާފައެވެ.
މަންޓާ އެއާގެ ޚިދުމަޓްތައް ފެށިފައި ވަނީ ފެބްރުއަރީ 2019 ގައި ރާއްޖެތެރޭ ރަށްތަކަށް ކަމަށް ވި ނަމަވެސް 2024 ގައި އިންޓަނޭޝަނަލް ދަތުރުތައް ފަށާފައިވެއެވެ. މިހާތަނަށް ބަލާއިރު ދަރަވަންދޫ އެއާޕޯޓު، ދާލު އެއާޕޯޓު، އިފުރު އެއާޕޯޓު، މަޑިވަރު އެއާޕޯޓު، ވެލާނާ އިންޓަނޭޝަނަލް އެއާޕޯޓު އަދި ބެންގަލޫރުގެ ކެމްޕެގޮޑާ އިންޓަނޭޝަނަލް އެއާޕޯޓަށް ޚިދުމަތް ފޯރުކޮށްދެމުން ދިޔުމުގެ އިތުރުން ރާއްޖެ ތެރޭ ރަށްތަކަށް އަދި ރިސޯޓްތަކަށް ސީ ޕްލޭން ޚިދުމަތްތައް ވެސް މި އެއާލައިން އިން ދެމުންދެއެވެ.
މަންޓާ އިން މި ބަދަލު ގެނެސްފައި މިވަނީ ޑޮލަރުގެ އާމްދަނީން ބައެއް މާރުކުރަން ލާޒިމުކޮށްފައި ވަނިކޮށެވެ. އެކަމަށް ޑޮލަރުން އާމްދަނީ ލިބޭ ބައެއް ކުންފުނިތަކުން ވަރަށް ދެކޮޅު ހެދި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
