ބާކީހުރި މަސްދަޅުތައް، އަވަހަށް ބަލާ އަންނަ ބަޔަކަށް ދީ ހުސްކޮށްލުމަށް ދުވާފަރު ކައުންސިލުން ނިންމައިފި

މިދިޔަ ރަމަޟާންމަހު ސަރުކާރުން ރޯދަ ހަދިޔާގެ ގޮތުގައި ގޭބިސީތަކަށް ދޫކުރުމަށް ފޮނުވި މަސްދަޅުގެ ތެރެއިން ބާކީހުރި މަސްދަޅު އަވަހަށް ބަލާ އަންނަ ބަޔަކަށް ދީ ހުސްކޮށްލުމަށް ދުވާފަރު ކައުންސިލުން ނިންމައިފިއެވެ.

މިކަމާ ގުޅިގެން ދުވާފަރު ކައުންސިލުން އާއްމުކުރި ބަޔާނެއްގައި ބުނެފައިވަނީ، ދުވާފަރު ރައްޔިތުންނަށް ބެހުމަށް ހަދިޔާކުރި މަސްދަޅު ކޭސްތަކުގެ ތެރެއިން ބާކީހުރި މަސްދަޅުތައް ރަމަޟާންމަހު މަސްދަޅުބެހި ގޭބިސީ ލިސްޓަށް ދޫކުރުމަށް ނިންމާފައިވާކަމަށެވެ. މަސްދަޅުގެ އިތުރުން ކަދުރު ބެހުމަށްވެސް ވަނީ ނިންމާފައެވެ.

އެގޮތުން ލިބިފައިހުރި ކަދުރު އަދަދު ހުސްވަންދެން އެންމެ ފުރަތަމަ އަންނަ ފަރާތްތަކަށް އިސްކަންދީގެން ދޫކުރުމަށް ނިންމާފައިވާކަމަށް ވަނީ ބުނެފައެވެ. މަސްދަޅުތައްވެސް އެންމެ ފުރަތަމަ އަންނަ ފަރާތްތަކަށް ބެހުމަށް ނިންމާފައިވާއިރު، މަސްދަޅު ބަހާނީ ކޮންމެ ގޭބިސީއަކަށް 3 މަސްދަޅުގެ ރޭޓުންކަމަށްވެސް ދުވާފަރު ކައުންސިލުން ބުނެއެވެ.

ދުވާފަރު ކައުންސިލުން ބުނީ މަސްދަޅު ދޫކުރުމުގެ އިންތިޒާމް މާދަމައިން ފެށިގެން މިމަހުގެ 11 ވާ ހޯމަދުވަހުގެ ނިޔަލަށް، ކޮންމެ ރަސްމީ ދުވަހެއްގެ ހެނދުނު 9 އަކުން 1 ޖެހުމާހަމަޔަށް ކުރިއަށްދާނޭކަމަށެވެ.

ސަރުކާރުން ވަނީ ނިމިގެންދިޔަ ރަމަޟާންމަހު ރޯދަ ހަދިޔާގެ ގޮތުގައި ކޮންމެ ގޭބިސީއަކަށް މަސްދަޅު ކޭހެއް ދޫކޮށްފައެވެ. ނިމިގެންދިޔަ ރަމަޟާންމަހު ރޯދަ ހަދިޔާގެ ގޮތުގައި މަސްދަޅުކޭސް ދޫކުރިއިރު، އޭގެ ކުރީ އަހަރުގެ ރަމަޟާންމަހުވެސް ރޯދަ ހަދިޔާގެ ގޮތުގައި ސަރުކާރުން މަސްދަޅު ދޫކުރިއެވެ.