އެޗްއާރުސީއެމްގެ ވާހަކަތައް ހަގީގަތާއި ހިލާފް: ޝެއިޚް ޒަމްޒަމް
ހިއުމަން ރައިޓްސް ކޮމިޝަން އޮފް ދަ މޯލްޑިވްސް, އެޗްއާރްސީއެމް އިން ކުރިއަށް ގެންގޮސްފައިވާ އެއްވެސް ދިރާސާއެއްގައި ހިމަނާފައިވާ ސުވާލުތަކާއި ގުޅިގެން އަމާޒުވި ފާޑުކިޔުންތަކާއި ގުޅިގެން އެ ކޮމިޝަނުން ދައްކާފައިވަނީ ހަގީގަތާއި ހިލާފު ވާހަކަތަކެއް ކަމަށް ދީނީ އިލްމުވެރިޔާ އައްޝައިހް ޒަމްޒަމް ފާރިސް ވިދާޅުވެއްޖެ އެވެ.
ޝެއިހް ޒަމްޒަމް މިހެން ވިދާޅުވީ ސޯޝަލް މީޑިއާގައި މިއަދު ކުރެއްވި ޕޯސްޓެއްގަ އެވެ. ޝެއިހް ވިދާޅުވީ އެޗްއާރްސީއެމްގެ ވާހަކަ އަކީ ހަގީގަތާއި ހިލާފު ވާހަކައެއް ކަމަށެވެ.
"އަޅުގަނޑު ވާނީ މި މައްސަލާގައި އެތަނުގެ ބައެއް އިސް ބޭފުޅުންނާއި ވާޙަކަ ދައްކައި ކަންބޮޑުވުންފާޅުކޮށް އެ ސާވޭގެ ސުވާލުތައްވެސް ހިއްސާކޮށްފައި," ޝެއިހް ވިދާޅުވި އެވެ.
ޝެއިހް ވިދާޅުވި ގޮތުގައި މިދިޔަ އަހަރުގެ އެޗްއާރުސީއެމްގެ ރިޕޯޓެއްގައިވެސް ކަންކަން ހިމަނާފައި ހުރި ކަމަށެވެ.
އެޗްއާރްސީއެމްގެ ސާވޭގެ ދިވެހީންގެ އިސްލާމީ އަގީދާއާ ފުށުއަރާ އަދި ދިވެހީންނާއި ކުރެވިގެން ނުވާނެ އެތައް ސުވާލެއް ހިމަނާފައިވާތީ އެތައް ބަޔަކު ވަނީ އެ ކޮމިޝަނަށް ފާޑުކިޔާފަ އެވެ. ރާއްޖޭގައި އުޅޭ އެހެން ދީންތަކުގެ މީހުންނަށް އެ މީހުންގެ ދީން މިތާންގައި ޕްރެޓިސް ނުކުރެވޭތީ ކަންބޮޑުވޭތޯ އާއި ޖިހާދާއި ގުޅޭ ބައެއް ސުވާލާއި އިސްލާމްދީނާއި ފުށުއަރާ އެއްވެސް އިންސާނީ ހައްގެއް އޮތްތޯ ފަދަ ބައެއް ސުވާލުތައް ވެސް ހިމަނާފައިވެ އެވެ.
އެޗްއާރުސީއެމް ފާހަގަ ކުރެވިފައިވަނީ މާބޮޑު މަސްއޫލިއްޔަތެއް އުފުލުމެއް ނެތް އެ ކޮމިޝަންގައި އެވަގުތަކު ތިބޭ މެންބަރުންގެ ޝައުގު ހުންނަ ކަންކަމަށް ބަޔާން ނެރޭ ކޮމިޝަނެއްގެ ގޮތުގަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
