ކްރޮއޭޝިއާ އިން ވަރޑްކަޕް ޖާގައެއް ކަށަވަރުކޮށްފި

ފެރޯއައިލެންޑްސް ބަލިކޮށް ވަރލްޑްކަޕްގެ ޖާގައެއް ކްރޮއޭޝިއާއިން ކަށަވަރުކޮށްފިއެވެ.

ކޮލިފައިންގައި ރޭ ފެރޯއައިލެންޑްސް އާއި ކްރޮއޭޝިއާ ބައްދަލުކުރިމެޗް އެޓީމް ކާމިޔާބުކުރީ 3-1 ގެ ނަތީޖާއަކުންނެވެ. ފޯރިގަދަ ކުޅުމެއް ފެނިގެންދިޔަ މިމެޗްގައި އެންމެ ފުރަތަމަ ލަނޑެއް ޖަހައި ކުރިހޯދީ ފެރޯއައިލެންޑުންނެވެ. އެއީ މެޗްގެ 16 ވަނަ މިނެޓް ތެރޭގައި ޑޭވިޑް ޓޫރީ ކާމިޔާބުކޮށްދިން ލަނޑުންނެވެ.

ފެރޯއައިލެންޑުން ލީޑް ނަގާފައިވަނިކޮށް ކްރޮއޭޝިއާގެ ގްވަޑިއޯލް ވަނީ 23 ވަނަ މިނެޓް ތެރޭގައި ލަނޑެއް ޖަހައި މެޗްގެ ނަތީޖާ ހަމަހަމަކޮށްފައެވެ.މެޗުން ފުރަތަމަ ފަހަރަށް ކްރޮއޭޓުންނަށް ލީޑް ނަގައިދީނީ 57 ވަނަ މިނެޓް ތެރޭގައި މޫސާ އެވެ. އަދި 70 ވަނަ މިނެޓް ތެރޭގައި ވްލަޝިޗް ވަނީ އިތުރު ލަނޑެއް ޖަހައި މެޗްގެ ނަތީޖާ 3-1 އަށް ބަދަލުކޮށްފައެވެ.

މެޗުން ލިބުނު 3 ޕޮއިންޓާއެކު ކްރޮއޭޝިއާއަށް ވަނީ 19 ޕޮއިންޓާއެކު ތާވަލްގެ އެއްވަނަ މަގާމް ހޯދައި ވަރލްޑްކަޕް ޖާގައެއް ކަށަވަރުކޮށްފައެވެ.