އެމްޓީސީސީގެ އެމްޑީގެ މަގާމަށް ހަސަން ޝާހު
ލިޔުންތެރިޔާ
ޝަފްރާޒް އަހްމަދު
މޯލްޑިވްސް ޓްރާންސްޕޯޓް އެންޑް ކޮންްޓްރެކްޓިންގް ކޮމްޕެނީ (އެމްޓީސީސީ)ގެ މެނޭޖިންގް ޑިރެކްޓަރކަމުގެ މަގާމަށް ހަސަން ޝާހު އައްޔަންކުރައްވައިފިއެވެ.
ސަރުކާރުގެ ކުންފުނިތައް ބަލަހައްޓާ، ޕްރައިވެޓައިޒޭޝަން ބޯޑުގެ ރައީސް މުހައްމަދު ނިޒާރު މިއަދު ކުރެއްވި ޓުވީޓެއްގައި ވަނީ ސ. މަރަދޫފޭދޫ ބަގީޗާގޭ ހަސަން ޝާހު، އެމްޓީސީސީގެ އެމްޑީގެ މަގާމަށް އައްޔަން ކުރައްވާފައިވާކަން ކަށަވަރުކޮށްދެއްވާފައެވެ.
ޝާހު މި މަގާމަށް އައްޔަންކޮށްފައިވަނީ މިއަދެވެ. މައުލޫމާތު ލިބިފައިވާ ގޮތުގައި ޝާހު އައްޔަންކޮށްފައިވަނީ ޖުމްހޫރީ ޕާޓީގެ ސްލޮޓެއްގައެވެ.
ޝާހު އަކީ ޖުމްހޫރީ ޕާޓީގެ ކައުންސިލް މެންބަރެކެވެ. އެބޭފުޅާ މީގެ ކުރިން ވަނީ އެޕާޓީއާއި އެމްޑީޕީގެވެސް ޖެނެރަލް ސެކްރެޓަރީގެ މަގާމު އަދާކުރައްވާފައެވެ.
ޝާހު އެންމެފަހުން ހުންނެވީ ރައީސް ޔާމީންގެ ސަރުކާރުގައި ކުޑަދުވަސްކޮޅެއްވަންދެން އެންވަޔަރަމެންޓް މިނިސްޓްރީގެ ސްޓޭޓް މިނިސްޓަރކަމުގެ މަގާމުގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
