ޒީނާޒް ވަކިކޮށް ޕީއެންސީ އެސްޖީއަކަށް ސްޓޭޓް މިނިސްޓަރ މުއާޒް!
ލިޔުންތެރިޔާ
ޝަފްރާޒް އަހްމަދު
ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ސެކްރެޓަރީ ޖެނެރަލްގެ މަޤާމުން ޒީނާޒް ޢަދުނާން ވަކިކޮށް، އެ މަޤާމަށް ޑިފެންސް މިނިސްޓްރީގެ ސްޓޭޓް މިނިސްޓަރ މުއާޒް ހަލީމް ހަމަޖައްސައިފިއެވެ. މި މަޢުލޫމާތު ޕީއެންސީގެ އިސް އޮފިޝަލުން ވަނީ "ވޮއިސް" އަށް ވަނީ ކަށަވަރުކޮށްދީފައެވެ.
މި ބަދަލު ގެނެސްފައިވަނީ ޕީއެންސީއަށް އޮޅުވާލައިގެން މީހުން ވައްދާ މައްސަލަ ބޮޑުވެފައިވާ ދަނޑިވަޅެއްގައެވެ.
އޭގެތެރޭގައި އެމްޑީޕީގެ ފަރާތުން ވައިކަރަދޫ ދާއިރާއަށް ދެވަނަ ދައުރަކަށް ވާދަކުރައްވައި، ހޮވިވަޑައިގެންނެވި މެންބަރު ހުސައިން ޒިޔާދު (ފިއްޓޭ) ވެސް އޭނާއަށް ނޭނގި ވެރިކަން ކުރާ ޕީއެންސީއަށް ވައްދައިފައިވާ ކަމަށް އޭނާ މިއަދު ވިދާޅުވެފައިވެއެވެ.
ޒީނާޒް ޢަދުނާން ޕީއެންސީގެ ސެކްރެޓަރީ ޖެނެރަލްގެ މަޤާމަށް ހަމަޖެއްސީ 2024 މެއި 24 ގައެވެ. އޭނާ ވަނީ މީގެ ކުރިން ކުޑަކުދިންގެ ހިޔާގެ ސީއީއޯކަންވެސް ކުރައްވާފައެވެ. އަދި ތަޢުލީމީ ދާއިރާގައިވެސް ދިގު މުއްދަތަކަށް ޚިދުމަތް ކުރައްވާފައިވެއެވެ.
މި ބަދަލާ ގުޅިގެން، ޕީއެންސީގެ އިސް ފަރާތްތަކުން އަދި ރަސްމީ ބަޔާނެއް ނެރެފައެއް ނުވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
