އާދަމް ޝަރީފް ޕީޕީއެމްގެ މަޖިލިސް ޕްރައިމަރީއަށް އިއުލާންކުރެއްވީ ކޮފީއަކުން!
ލިޔުންތެރިޔާ
ޝަފްރާޒް އަހްމަދު
އަންނަ އަހަރުގެ މަޖިލިސް އިންތިޚާބުގެ ކެމްޕެއިން މިވަނީ ވަރަށް ފޯރިގަދަވެފައެވެ. ހުރިހާ ކެނޑިޑޭޓުންވެސް ކެމްޕެއިން ކުރުމުގައި އާ ގޮތްތައް ހޯދައި، ރައްޔިތުންނަށް އާ ވައުދުތައްވެ މަޖިލީހަށް އިންތިޚާބުވުމަށް ދަނީ މަސައްކަތްކުރަމުންނެވެ.
އެގޮތުން ރޭގެ ވަގުތެއްގައި ކުރީގެ ޑިފެންސް މިނިސްޓަރ އާދަމް ޝަރީފް އުމަރު ވަނީ ތަފާތު ގޮތަކަށް، އެބޭފުޅާ އަންނަ އަހަރުގެ މަޖިލިސް އިންތިޚާބުގައި ވާދަކުރައްވަން ނިންމަވާފައިވާކަން އިއުލާންކުރައްވާފައެވެ.
އާދަމް ޝަރީފް އަންނަ އަހަރުގެ މަޖިލިސް އިންތިހާބުގެ މަޑުއްވަރީ ދާއިރާގެ ޕީޕީއެމްގެ ޕްރައިމަރީގައި ވާދަކުރައްވަން ނިންމަވާފައިވާކަން އިއުލާންކުރައްވާފައިވަނީ ދާއިރާގެ ރައްޔިތުންނާއި އެކު ކޮފީމޭޒެއްގެ މަތިންނެވެ.
މި ކޮފީގެ ވީޑިޔޯ ކްލިޕްއެއް އެބޭފުޅާގެ ކެމްޕެއިންގެ ފޭސްބުކް ޕޭޖުގައި ވަނީ މިހާރު ޝާއިއުކޮށްފައެވެ.
މި ވީޑިޔޯގައި އާާދަމް ޝަރީފް ވަނީ ޕީޕީއެމްެއިން މަޑުއްވަރީ ދާއިރާގެ ޕްރައިމަރީއަކަށް ހުޅުއްވައިލެއްވީތީ އުފާކުރައްވާކަމަށް ވިދާޅުވެފައެވެ. އަދި މި ދާއިރާއިން ޝައުގުވެރިކަން ހުރި ހުރިހާ ފަރާތްތަކުންވެސް ވާދަކުރައްވާނެކަމަށް އުއްމީދުކުރައްވާކަމަށް އެބޭފުޅާ ވަނީ ވިދާޅުވެފައެވެ.
އަދި ހަމަ އެހެންމެ، ދާއިރާގެ ރައްޔިތުންނަށް ޚިދުމަތްކުރެއްވުމުގެ ފުރުސަތު އެބޭފުޅުން ދެއްވާނެކަމަށް އުއްމީދުކުރައްވާކަމަށްވެސް އާދަމް ޝަރީފު އުމަރު ވަނީ ވިދާޅުވެފައެވެ.
ކޮފީމޭޒަކުން ކެމްޕެއިން ފެއްޓެވުމަކީ ޒުވާނުންނާއި ގުޅޭފަދަ ކަމެއްކަމަށްބުނެ ގިނަ ފަރާތްތަކުން ދަނީ އާދަމް ޝަރީފްގެ މި ކެމްޕެއިން ހަރަކާތަށް ތައުރީފްކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
