އިމްރާން ގެ ޖަލުހުކުމް ރިވިއުކުރުމުގެ މައްސަލައިގާ މިއަދު ގޮތެއް ނިންމަނީ

ޓެރަރިޒަމް ދައުވާއެއް ސާބިތުވެ އަދާލަތު ޕާޓީގެ ރައީސް އަދި މިހާރުގެ ހޯމް މިނިސްޓަރު އިމްރާން އަބުދުﷲގެ މައްޗަށް އިއްވާފައިވާ 12 އަަހަރުގެ ޖަލު ހުުކުމް ރިވިއު ކުރުމުގެ މައްސަލާގައި މިއަދު 15:00ގައި ގޮތެއް ނިންމަން ސުޕްރީމް ކޯޓްގައި ތާވަލްކޮށްފި އެވެ.

މިމައްސަލަ މިހާތަނަށް ބާއްވާފައިވަނީ އެންމެ އަޑުއެހުމެކެވެ. އެ އަޑުއެހުން މިދިޔަ ހޯމަދުވަހު ބޭއްވިއިރު ފަނޑިޔާރުންގެ ބެންޗުން ވަނީ އިތުރު ކަމެއް ސާފުކުރަން ނެތް ނަމަ ދެން އޮންނާނީ ހުކުމްއިއްވުން ކަމަށް އިއުލާން ކުރައްވާފަ އެވެ.

މޭޑޭގެ މުޒާހަރާގައި ޝެއިހް އިމްރާން ދެއްކެވި ވާހަކަފުޅުގެ ސަބަބުން ޓެރަރިޒަމްގެ ދައުވާ ސާބިތުވާކަމަށް ނިންމައި ކުރިމިނަލް ކޯތުން އިއްވި 12 އަހަރަށް އޭނާ ޖަލަށްލުމަށް ހައިކޯޓުންވެސް ވަނީ ތާއިދުކޮށްފަ އެވެ.

ނަމަވެސް އެމައްސަލަ އަލުން މުރާޖާކޮއް ސުޕްރީމް ކޯތުން އެމައްސަލް ބަލަންނިންމިއެވެ. އަދި ވަކި ގޮތެއް ނިމެންދެން މިނިވަންކޮއްފައެވެ. އެހެންކަމުން މިމައްސަލައިގައި ގޮތެއް ނިމެންދެން އިމްރާން ބެލެނޭނީ ގާނޫނީ ގޮތުން ކުއްވެރިއެއް ކަމުގައެވެ.

ނަމަވެސް ރައީސް ސޯލިހު ރައީސުލްޖުމްހުރިއްޔާގެ މަގާމާ ހަވާލުވެ އެކުލަވާލި ކެބިނެޓްގެ ހޯމްމިނިސްޓަރކަމުގައި އިމްރާން ހިމެުމުން ގިނަ ބައެއްގެ ފާޑުކިޔުން ވަނީ އަމާޒުވެފައެވެ.