އާރު.ޑީ.ސީއިން ކޮލަމާފުށީގެ މަގުތަށް ތަރައްޤީކުރުމުގެ މަސައްކަތް ބާރު ސްޕީޑްގައި ކުރިޔަށް

ރޯޑް ޑިވެލޮޕްމެންޓް ކޯޕަރޭޝަން އާރު.ޑީ.ސީ އިން ގއ. ކޮލަމާފުށީގެ މަގުތަށް ޒަމާނީ ފެންވަރަށް ތަރައްޤީކުރުމުގެ މަސައްކަތް ބާރު ސްޕީޑުގައި ކުރިއަށްދާ ކަމަށް އެ ކުންފުނިން ބުނެފިއެވެ.

އެކުންފުނިން ކޮށްފައިވާ ޓްވީޓެއްގައި ބުނެފައިވަނީ އެރަށު މަގު ހެދުމުގެ މަޝްރޫއުގެ ދަށުން މިވަގުތު ކުރިއަށް ދަނީ އެރަށު ޗާންދަނީ މަގުގައި ކާރބް ސްޓޯން ޖެހުމުގެ މަސައްކަތްކަމަށެވެ.

އާރު.ޑީ.ސީ އިން މި މަޝްރޫއުގެ އަމަލީ މަސައްކަތް ފަށާފައިވަނީ 2022 ވަނަ އަހަރުގެ ޑިސެމްބަރު މަހުގެ 2 ވަނަ ދުވަހުގައެވެ. މި މަޝްރޫއުގެ ދަށުން އެރަށު 408 ކިލޯ މީޓަރުގެ ސަރަހައްދެއްގައި ތާރު އެޅުމުގެ އިތުރުން ފެން ހިންދާ ނިޒާމުތަކާއި މަގު ބައްތި ހަރުކުރުމުގެ މަސައްކަތް ވެސް ކުރިއަށް ގެންދިއުމަށް ވަނީ ހަމަޖެހިފައެވެ.

މި މަޝްރޫއުގެ ޖުމުލަ އަގަކީ 85،329،687.67 (އައްޑިހަ ފަސް މިލިއަން ތިންލައްކަ ނަވާވީސް ހާސް ހަސަތޭކަ އައްޑިހަ ހަތް ރުފިޔާ ފަސްދޮޅަސް ހަތް ލާރި) އެވެ. މި މަޝްރޫއު އާރު.ޑީ.ސީ އާއި ހަވާލުކޮށްފައިވަނީ 450 ދުވަހުގެ ތެރޭގައި މަސައްކަތް އެއްކޮށް ނިންމާގޮތަށެވެ.

އާރުޑީސީ އިން މިހާރުވެސް އަންނަނީ ރާއްޖޭގެ އެކި ރަށްރަށުގައި އެކި މަޝްރޫއުތަށް ހިންގަމުންނެވެ.