ބޮސްނިއާ ބަލިކޮށް ސްވިޒަރލޭންޑުން، ނޮކްއައުޓް ބުރަށް ދިއުމުގެ ފުރުސަތު ބޮޑުކޮށްފި

ބޮސްނިއާ ބަލިކޮށް ސްވިޒަރލޭންޑުން ވަރލްޑްކަޕް ނޮކްއައުޓް ބުރަށް ދިއުމުގެ ފުރުސަތު ބޮޑުކޮށްފިއެވެ.

ގްރޫޕް ބީގައި ރޭ ސްވިޒަރލޭންޑާއި ބޮސްނިއާ ބައްދަލުކުރިމެޗް ސްވިޒަރލޭންޑުން ކާމިޔާބުކުރީ 4-1 ގެ ނަތީޖާއަކުންނެވެ. މެޗްގައި ފެނިގެންދިޔަ ހުރިހާ ގޯލެއްވެސް ޖަހާފައިވަނީ ފަހު ހާފްގައެވެ. މިމެޗްގެ ބޮޑުބައި މާބޮޑު ފޯރިއެއްނެތި ކުރިއަށްދަނިކޮށް މެޗްގެ އޮއިވަރު ބަދަލުވީ، ބަދަލުކުޅުންތެރިއެއްގެ ގޮތުގައި އުމުރުން 20 އަހަރުގެ ޖޯހަން މަންޒަމްބީ ކުޅެން ނިކުމެ ޖެހި ލަނޑާއެކުގައެވެ.

މެޗްގައި ބޮސްނިއާގެ ތާރިކް މުހަރެމޯވިޗަށް ރަތް ކާޑު ދައްކައި ދަނޑުން ފޮނުވާލުމުން އެޓީމަށް އިތުރު ގޮންޖެހުންތަކެއް ކުރިމަތިވިއެވެ. ނަތީޖާއެއްގެ ގިތުން ސްވިޒަރލޭންޑުން ވަނީ 84 ވަނަ މިނެޓް ތެރޭގައި އިތުރު ލަނޑެއް ޖަހައި މެޗްގެ ލީޑް ފުޅާކޮށްފައެވެ. އަދި އެހެން ހުއްޓުވައި މަންޒަމްބީ ވަނީ 90 ވަނަ މިނެޓް ތެރޭގައި ލަނޑެއް ޖަހައި މެޗްގެ ނަތީޖާ 3-0 ކަށް ބަދަލުކޮށްފައެވެ.

ސްވިޒަރލޭންޑުން ތިން ލަނޑުގެ ލީޑެއް ނަގާފައިވަނިކޮށް ބޮސްނިއާގެ މަހްމިޗް ވަނީ، މެޗްގެ އިތުރު ވަގުތުގެ ކުޅުމުގެ ތެރޭގައި ލަނޑެއް ޖަހާފައެވެ. މެޗްގައި ސްވިޒަރލޭންޑްގެ ފަހު ލަނޑު ފެނިގެންގޮސްފަިއވަނީ އެންމެ ފަހުވަގުތުގައި ލިބުނު ޕެނަލްޓީއަކުންނެވެ. މި ލަނޑު ކާމިޔާބުކޮށްދިނީ ތަޖުރިބާކާރު ކުޅުންތެރިޔާ ޒަކާ އެވެ.