ބާރަ އަހަރަށް ފަހު ޝިޔާމް އަލުން ވަޒީފާއަށް، މުސާރައިގެ ބައި އިސްތިއުނާފު
ލިޔުންތެރިޔާ
އަހުމަދު ހަމީދު އާދަމް
އިންސްޕެކްޓާ އޮފް ޕޮލިސް އަހުމަދު ޝިޔާމް, 12 އަހަރުގެ މެދުކެނޑުމަކަށް ފަހު އަލުން ވަޒީފާއަށް ނިކުންވަން ފައްޓަވައިފި އެވެ.
މަގާމުގެ ނުފޫޒު ބޭނުންކުރި ކަމަށް ތުހުމަތުކޮށް ޝިޔާމް, ފުލުހުންގެ ވަޒީފާއީން ވަކިކުރީ މީގެ 12 އަހަރު ކުރީން 2014 ވަނަ އަހަރު އެވެ. ނަމަވެސް ހައިކޯޓުން އެ މައްސަލަ ބެލުމަށް ފަހު ނިންމީ ޝިޔާމަށް އަލުން ވަޒީފާ ދޭށެވެ.
އަދި މިދިޔަ މުއްދަތުގައި މުސާރައިގެ ގޮތުގައި ދޭން ޖެހޭ ފައިސާވެސް ދިނުމަށެވެ. ހައިކޯޓްގެ ހުކުމާއި އެއްގޮތަށް ޝިޔާމަށް އަލުން ވަޒީފާ ދީފައިވާއިރު ޔުނީފޯމްގައި މިއަދު ވަނީ އޮފީހަށް ނިކުންނަން ފައްޓަވާފަ އެވެ.
އެކަން ޝިޔާމް ވެސް ވަނީ ހާމަކޮށްފަ އެވެ. ޝިޔާމް ވިދާޅުވީ މިއީ ވަރަށް ބޮޑު އުފަލެއް ލިބުނު ދުވަހެއް ކަމަށެވެ. އަދި އޭނާއަށް އިންސާފު ހޯދުމަށް ކުރެެވުނު މަސައްކަތުގައި އެކިގޮތްގޮތުން ބައިވެރިވި ހުރިހާ އެންމެންނަށް ޝުކުރު އަދާކުރި އެވެ.
ޝިޔާމް ފުލުހުންގެ ވަޒީފާއަށް ނިކުންނަވަން ފެއްޓެވި ނަމަވެސް ދައުލަތުން ވަނީ މުސާރައާ ގުޅޭ ބައި ސުޕްރީމް ކޯޓްގައި އިސްތިއުނާފު ކޮށްފަ އެވެ. އެއީ 12 އަހަރުގެ މުސާރަ ދޭން އަންގާފައިވާތީ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
