ވޯޓާސް ލިސްޓުގައި ނިޔާވެފައި ތިބި މީހުންގެ ނަން އޮވެގެން 200 އަށްވުރެ ގިނަ ޝަކުވާ!

އަންނަ މާރިޗު މަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިހާބުގައި ވޯޓުދިނުމުގެ ހައްގު ލިބިފައިވާ މީހުންގެ ލިސްޓުގައި ނިޔާވެފައި ތިބި 200 އަށްގުރެ ގިނަ މީހުންގެ ނަން ހިމެނޭތީ ޝަކުވާ ހުށަހަޅާފައިވާ ކަމަށް އީސީގެ ތަފާސްހިސާބުތަކުން ދައްކައިފި އެވެ.

މަޖިލިސް އިންތިޚާބުގެ ވޯޓްލާ މީހުންގެ ލިސްޓަށް ޝަކުވާ ހުށަހެޅުމުގެ މުއްދަތު އިއްޔެއަށް ހަމަވެފައިވާ އިރު, އީސީން މިއަދު އާއްމުކުރި ތަފާސްހިސާބުތައް ދައްކާގޮތުން، އެ ލިސްޓަށް މިހާތަނަށް 746 ޝަކުވާ ހުށައަޅާފައިވެއެވެ.

އެ 746 ޝަކުވާގެވތެރެއިން، އެންމެ ގިނަ ޝަކުވާ ހުށަހަޅާފައިވަނީ ދިރިއުޅޭ ތަން ނުވަތަ އެޑްރެސް ބަދަލުވެގެންްނެވެ. އެގޮތުން ދިރިއުޅޭތަން ބަދަލުވެގެން 450 ޝަކުވާ ވަނީ ހުށަހަޅާފައެވެ.

ދެވަނައަށް އެންމެ ގިނަ ޝަކުވާ ހުށަހަޅާފައިވަނީ ނިޔާވެފައިވާ މީހުންގެ ނަން ލިސްޓުގައި އޮވެގެންނެވެ. އެފަދަ 225 ޝަކުވާ ހުށަހަޅާފައިވަނީ ލިސްޓުގައި ނަން ނެތިގެން 5 ޝަކުވާ ހުށަހަޅާފައިވެއެވެ.

މަޖިލިސް އިންތިހާބު ބާއްވަން ނިންމާފައިވަނީ 17 މާޗުގަ އެވެ. އެ އިންތިހާބުގައި ވޯޓު ލުމުގެ ހައްގު ޖުމްލަ 284،327 މީހަކަށް ލިބިފައި ވާއިރު އޭގެ ތެރޭގައި 139،165 އަންހެނުންނާއި، 145،162 ފިރިހެނުން ހިމެނެއެވެ.