ސައުތު ކާފްގެ ފައިނަލުގައި ވާދަކުރާނީ ކްރޮސްރޯޑްސް އާއި ހާޑްރޮކް

ޓެކާސް ރިސޯޓް ފުޓްސަލް ކަޕްގެ ސައުތު ކާފް ޒޯންގެ ފައިނަލުގައި ކްރޮސްރޯޑްސް އާއި ހާޑްރޮކް މޯލްޑިވްސް ބައްދަލުކުރުމަށް ހަމަޖެހިއްޖެ އެވެ.

ކްރޮސްރޯޑްސްގައި އިއްޔެ ކުޅުނު ސެމީފައިނަލް މެޗުގައި ފައިނަލުގެ މަގާމު ހާޑްރޮކުން ކަށަވަރުކުރީ، މެޗުގެ ފުރިހަމަ ވަގުތު 1-1 އިން އެއްވަރުވިނަމަވެސް، ޕެނަލްޓީޖަހައި، 6-5 އިން އޯޒެން ލައިފް މާދޫ ބަލިކޮށްގެންނެވެ.

އޭގެ އިތުރުންވެސް، ކްރޮސްރޯޑްސް އިން ސައި ލެގޫންސް މޯލްޑިވްސްއާއިއެކު ސެމީފައިނަލުގައި ކުޅެ، 8-3 އިން ވަނީ މޮޅުވެފައެވެ.

ސައުތު ކާފް ޒޯންގެ ޗެމްޕިއަނުން މުބާރާތުގެ ސެމީ ފައިނަލަށް ހޮވިފައިވާއިރު، ސެމީގައި ވާދަކުރަން ޖެހޭނީ ދ. ޒޯނުގެ ޗެމްޕިއަނުންނާއި ދެކޮޅަށެވެ.

ހަތް ޒޯނަކަށް ބަހާލައިގެން ކުރިއަށް ގެންދާ މިއަހަރުގެ ޓެކާސް ރިސޯޓް ފުޓްސަލް ކަޕްގެ ދ. ޒޯނުގެ ކުޅުން ފެށޭނީ އަންނަ މަހުގެ 1 ވަނަ ދުވަހު ވެލި ރިސޯޓުގައިއެވެ.

މި މުބާރާތުގެ ސެމީ ފައިނަލާއި ފައިނަލް މެޗު އަންނަ އޮކްޓޫބަރު މަހު، ކުރުނބާ މޯލްޑިވްސްގައި ބޭއްވުމަށް ވަނީ ހަމަޖެހިފައެވެ.