ފުއާދު ތައުފީގު ރާއްޖެއަށް އެނބުރި ވަޑައިގަންނަވަނީ

އިލެކްޝަންސް ކޮމިޝަންގެ ކުރީގެ ރައީސް ފުއާދު ތައުފީގް އަމިއްލަ ހައިސިއްޔަތުން ލަންކާއަށް އަރުވާލެވިގެން ހުންނެވުމަށްފަހު، އެނބުރި ރާއްޖެއަށް ވަޑައިގަންނަވަން ނިންމައިފިއެވެ.

ފުއާދު މިކަން ހާމަކުރައްވާފައިވަނީ ޓްވިޓަރ މެދުވެެރިކޮށެވެ. ފުއާދު ވަނީ ލަންކާގައި ތިން އަހަރާއި ހަތްމަސް ހުރުމަށްފަހު މާދަމާ ހެނދުނު ރާއްޖެއަށް ވަޑައިގަންނަވާނެ ކަމަށް އިއުލާންކުރައްވާފައެވެ. ފުއާދު ރާއްޖެއަށް ވަޑައިގަންނަވާނީ ކޮރެއަން އެއަރގެ ފްލައިޓަކުންނެވެ.

އެބޭފުޅާ އިތުރަށްވަނީ ލަންކާގައި ތިބި ގާތް ރަހުމަތްތެރިންނަށް ޝުކުރު އަދާކުރައްވާ، ލަންކާއަކީ އަބަދުވެސް ދެވަނަ ވަޒަންކަމުގައި ވާނެކަމަށް ވިދާޅުވެފައެވެ.

ފުއާދު ތައުފީގް ވަނީ ލަންކާގައި ހުންނަވައިގެން، އިދިކޮޅު އިއްތިހާދުގެ ގިނަ ހަރަކާތްތަކުގައި ބައިވެރިވެ ވަޑައިގަންނަވާފައެވެ.