އަޔަރލޭންޑްގެ ބޮޑުވަޒީރު މަގާމުން އިސްތިއުފާ ދެއްވައިފި

އަޔަލޭންޑްގެ ބޮޑުވަޒީރު ލިއޯ ވަރަޑްކާ ކުއްލިގޮތަކަށް މަގާމުން އިސްތިއުފާ ދެއްވައިފިއެވެ.

ވަރަޑްކާ މިކަމާއި ގުޅިގެން ވިދާޅުވީ، އޭނާ މަގާމުން އިސްތިއުފާ ދެއްވުމަށް ނިންމި ނިންމުމުގެ ފަހަތުގައި ސިޔާސީ އަދި ޒާތީ ސަބަބު ތަކެއް ވެސް އެބަހުރި ކަމަށެވެ.

ވަރަޑްކާ ވަނީ ގައުމުގެ ބޮޑުވަޒީރު ކަމުގެ މަގާމުގެ އިތުރުން، އޭނާ ނިސްބަތްވާ ޕާޓީ، ފައިން ގޭލް ޕާޓީ ގެ ރައީސް ކަމުގެ މަގާމުން ވެސް ވަކިވެވަޑައިގަތުމަށް ނިންމަވާފައިވާ ކަމަށް އިއުލާން ކުރައްވާފައެވެ.

މިއާއިއެކު ވަރަޑްކާގެ ޕާޓީން ބުރާސްފަތި ދުވަހު އާ ލީޑަރެއް ހޮވުމަށް އިއުލާން ކުރާއިރު، އަންނަ މަހުގެ 5 ވަނަ ދުވަހު ރަސްމީކޮށް އެ ޕާޓީގެ ލީޑަރު ތައާރަފްކުރެވިގެން ދާނެ އެވެ. އަދި އެ ގައުމުގެ ބޮޑުވަޒީރު ކަމުގެ މަގާމާއި ދެން ހަވާލުވާނެ މީހަކާއި މެދު އަޔަލޭންޑް ގެ މަޖިލީހުން ވޯޓު ނެގުމަށް ހަމަޖެހިފައިވަނީ އަންނަ މަހުގެ 9 ވަނަ ދުވަހުއެވެ.

އަޔަލޭންޑް ގެ އިންތިހާބު ކައިރިވެފައި އޮއްވާ މަގާމުން އިސްތިއުފާ ދެއްވާ ނޫސްވެރިންނަށް މައުލޫމާތު ދެއްވަމުން އެއީ ހަޔާތުގައި އައި އެންމެ ފުރިހަމަ ވަގުތުތައް ކަން ފާހަގަކުރައްވާ ވަރަޑްކާ ވިދާޅުވީ، އޭނާގެ ޕާޓީން ކުރިއަށް އޮތް އިންތިހާބުގައި ތަފާތު ލީޑަރެއްގެ ދަށުން މާ ފުރިހަމަ ނަތީޖާ ތަކެއް ނެރެވުމުގެ ފުރުސަތު ބޮޑު ކަމަށެވެ.

މިހާރު އުމުރުފުޅުން 45 އަހަރު ފުރިފައިވާ، ވަރަޑްކާ އަކީ އަޔަލޭންޑް ގެ ބޮޑުވަޒީރުކަން ކުރި އެންމެ ހަގު ބޭފުޅާއެވެ. އޭނާ ވަނީ އެ 2017 އިން 2020 އަދި އޭގެ ފަހުން 2022 ވަނަ އަހަރުގެ ފަހު ކޮޅާއި ހަމައަށް އެ މަގާމު އަދާކުރައްވާފައެވެ. މީގެ އިތުރުންވެސް އިންޑިއާ މަންމަ އަކާއި އަޔަލޭންޑް ބައްޕަ އަށް ލިބިފައި ހުރި ވަރަޑްކާ އަކީ އެގައުމުގެ ފުރަތަމަ ބައިރޭޝިއަލް ބޮޑުވަޒީރުކަން ފާހަގަކޮށްލެވެއެވެ.