އެއާޕޯޓް އެޅުމުގެ ކަންކަމުގައި ފައިނު ކައުންސިލާއި މަޝްވަރާ ކުރަން އެދިއްޖެ
ލިޔުންތެރިޔާ
ޚަދީޖާ އަރުފާ
ރ. ފައިނުގައި އެއާޕޯޓެއް އެޅުމާއި ގުޅޭގޮތުން އެ ރަށުގެ ކައުންސިލާއިއެކު މަޝްވަރާތައް ކުރިއަށް ގެންދެވުމަށް އެ ކައުންސިލުމް އެދިއްޖެއެވެ.
ދައުލަތުގެ އާންމު މަންފާއަކަށް ޓަކައި ހާސިލުކުރަން ބޭނުންވާ އިޤްތިޞާދީ ސިޔާސަތެއްގެ ދަށުން ހިންގާނޭ މުހިންމު މަޝްރޫޢުތަކާއި އެ މަޝްރޫއު ހަވާލު ކުރެވޭ ފަރާތުން އެންމެ މަދުވެގެން ކުރަން ޖެހޭ އިންވެސްޓްމަންޓް ތައް ބަޔާންކޮށް އިއްޔެ ނެރުއްވާފައިވާ ގަރާރުގައި، ޖުމްލަ 9 ރަށެއްގައި އަލަށް އެއާޕޯޓު ތަރައްގީ ކުރުމުގެ އިތުރުން، އެއާޕޯޓުގެ މަޝްރޫއު ފެށިފައިވާ ބައެއް ރަށްތަކުގެ އެއާޕޯޓު ނިންމުމަށްވެސް ވަނީ ރައީސުލްޖުމްހޫރިއްޔާ ނިންމަވާފައެވެ.
އެ ސިޔާސަތުގައި އެ މަނިކުފާނުގެ ވައުދުފުޅާއި އެއްގޮތަށް ފައިނުގައި އެއާޕޯޓު އެޅުމަށްވެސް ވަނީ ހިމަނައިފަ އެވެ.
އެކަމާއި ގުޅިގެން ފައިނު ކައުންސިލުން ނެރުނު ބަޔާނެއްގައިވަނީ އެ ކައުންސިލްގެ މާލީ ފުދުންތެރިކަން އިތުރުކުރުމަށާއި، އަސާސީ ބައެއް ހިދުމަތް ދިނުމަށް ބިން ދޫކުރެވިފައިވާ ސަރަހައްދުތައް ހުރުމާއެކު އެ ކައުންސިލްގެ މަޝްވަރާއެއް ނެތި މިފަދަ ބޮޑު ނިންމުމެއް ނިންމުމަކީ ނުހަނު ކަންބޮޑުވާ ކަމެއް ކަމަށް ބުނެފައެވެ.
މިއާއެކު ފައިނު ކައުންސިލްގެ ތިން މެންބަރަކު ސޮއިކުރައްވައި ރޭ ނެރުނު އެ ބަޔާނުގައި ވަނީ މީގެ ކުރިން އެ ރަށުގައި އެއާޕޯޓު އެޅުމަށް ކުރެވުނު މަޝްވަރާގައި ފާހަގަވި ކަންބޮޑުވުންތަކަށް ރިއާޔަތް ކުރުމަށާއި މި މަޝްރޫއާ ގުޅޭ ގޮތުން ފަންނީ އެހީތެރިކަމާއެކު ފުރިހަމަ މަޝްވަރާތަކެއް ކުރިއަށް ގެންދިއުމަށް ރައީސް މުއިއްޒުގެ އަރިހުން އެދިލައްވާފަ އެވެ.
ކުރީގެ ރައީސް އަބްދުالله ޔާމީނުގެ ވެރިކަމުގައިވެސް ފައިނު އެއާޕޯޓު އެޅުމަށް ނިންމާ އެންވަޔަރްމަންޓަލް އިމްޕެކްޓް އެސެސްމަންޓް (އީއައިއޭ) ވެސް ހެދި އެވެ. ނަމަވެސް އެއާޕޯޓް އެޅުމުގެ ސަބަބުން ތިމާވެއްޓަށް ގެއްލުންވާނެ ކަމަށް ބުނެ އަޑު އުފުލުމުން އެ މަސައްކަތް ކުރިއަށް ނުގެންދެވުނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
