ޔުނިކޯޑް ސްޓޭންޑަރޑްގައި ދިވެހި ރުފިޔާގެ ނިޝާން ރަސްމީކޮށް ހިމަނައިފި
ދަ ޔުނިކޯޑް ކޮންސޯޓިއަމް އިން ނެރުނު ޔުނިކޯޑް ސްޓޭންޑަރޑްގެ 18 ވަނަ ވަރޝަނުގައި ދިވެހި ރުފިޔާގެ ނިޝާނަށް ޚާއްޞަ ކޯޑް ޕޮއިންޓެއް ކަނޑައަޅައިފިއެވެ.
މި ސްޓޭންޑަރޑް ނެރެފައިވަނީ މިއަދުގެ ވަގުތެއްގައެވެ. ދިވެހި ރުފިޔާގެ ނިޝާނަށް ކަނޑައެޅި ކޯޑް ޕޮއިންޓަކީ U+20C2 އެވެ. މޯލްޑިވްސް މަނިޓަރީ އޮތޯރިޓީން 2022 ވަނަ އަހަރު ތަޢާރަފުކުރި މި ނިޝާން ބައިނަލްއަޤުވާމީ ޔުނިކޯޑް ސްޓޭންޑަރޑެއްގައި ހިމެނުމާ އެކު ވެބްސައިޓްތަކާއި މޯބައިލް އެޕްތަކުގެ އިތުރުން ތަފާތު ޑިޖިޓަލް ޕްލެޓްފޯމްތަކުގައި އެއް މިންގަނޑަކުން އެ ނިޝާން ބޭނުންކުރެވޭނެ މަގު ފަހިވެފައިވެއެވެ.
އެމްއެމްއޭއިން ވަނީ މި ކާމިޔާބީ ހާސިލުކުރުމުގައި އެހީތެރިވި ހުރިހާ ފަރާތްތަކަށް ޝުކުރުއަދާކޮށްފައެވެ.
ޑިޖިޓަލް ވެށީގައި ދިވެހި ރުފިޔާގެ ނިޝާން ފަސޭހަކަމާ އެކު ބޭނުންކުރެވޭނެ ގޮތް ހެދުމުގެ މަސައްކަތުގައި މިއީ މުހިންމު ލަނޑުދަނޑިއެއް ކަމަށް އެ އޮތޯރިޓީން ވަނީ ފާހަގަކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
