ވަކި މުއްދަތެއް ނެތް ގޮތަށް މަތީ ތައުލީމުގެ ލޯނަށް އެދުމުގެ ފުރުސަތު ހުޅުވައިލަނީ
މަތީ ތައުލީމުގެ ލޯނަށް އެދުމުގެ ފުރުސަތު، ވަކި މުއްދަތެއް ނުވަތަ ޑެޑްލައިނެއް ނެތި ހުޅުވާލަން ނިންމަވާަފައިވާކަމަށް މަތީ ތައުލީމާއި ހުނަރުވެރިކަން ތަރައްގީކުރުމާ ބެހޭ ވަޒީރު ޑރ.އަލީ ހައިދަރު ވިދާޅުވެއްޖެއެވެ.
މިއަދު ހެނދުނު ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ވަޒީރު ވިދާޅުވީ މި އަހަރުގެ ޖަނަވަރީ އަދި ފެބްރުއަރީ މަހު އެކަނިވެސް 759 ފަރާތަކަށް ދޫކުރެވިފައިވާ ކަމަށެވެ. އަދި އިތުރު 232 ދަރިވަރުން ކިޔަވާ ކަމުގެ ލިޔުން ލިބުމުން މިމަހު ފައިސާ ދެއްކޭނެ ކަމަށްވެސް ވިދާޅުވިއެވެ.
އަދި މި އަހަރު ލޯނަށް އެދުމުގެ ފުރުސަތު ހުޅުވާލުމަށް ކުރަންޖެހޭ ކަންކަންވެސް ކުރިއަށްދާކަމަށާ، ދަރިވަރުންނަށް ފޯރުކޮށްދޭ ހިދުމަތްތަަކުގެ ފެންވަރު ރަނގަޅުކުރުމަށް މި އަހަރުން ފެށިގެން ލޯނު ސްކީމަށް މުހިންމު ބަދަލުތަކެއް ގެނައުމަށް ނިންމާފައިވާ ކަމަށް ވަޒީރު ވިދާޅުވުއެވެ.
"މިފަހަރު އަލަށް ލޯނަށް ހުޅުވާލާއިރު އެޕްލިކޭޝަން ޑެޑްލައިނެއް ނުބާއްވަައި މުޅި އަހަރަށް ލޯނަށް ހުށަހެޅުމުގެ ފުރުސަަތު ހުޅުވާލާފައި އޮންނާނެ. މިހާތަނަށް ލޯނަށް އެދުމަށް ވަކި މުއްދަތެއް ކަނޑައަޅާފަައި އޮތުމުން އެ މުއްދަތުގެ ތެރޭގައި ލޯނަށް އެދުމަށް ދަރިވަރުންނަށް ދަތިވޭ. އަދި ލޯނަށް އެދުމުގެ ފުރުސަތު ގެއްލޭ ގޮތް ދިމާވެފައިވާކަން ފާހަގަކުރެވޭ،"
މަތީ ތައުލީމާއި ހުނަރުވެރިކަން ތަރައްގީކުރުމާ ބެހޭ ވަޒީރު ޑރ.އަލީ ހައިދަރު ލ
އެހެންކަމުން އައު ބަދަލާއެކު ލޯނަށް އެދެން ބޭނުންވާ ދަރިވަރުންނަށް ބޮޑެތި ލުއި ތަކެއް ލިބިގެންދާނެ ކަމަށް ވަޒީރު ވިދާޅުވުއެވެ.
”މި ބަދަލާއެކު ދަރިވަރުން ލޯނަށް އެދެންވާނީ ކިޔަވަންދާން ތައްޔާރުވެގެން. އެގޮތުން ލޯނު ހޯދަން އެދޭއިރު ހުށަހަޅަންވާ ލިޔުންތައްވެސް ތަފާތު ވާނެ. އޭގެ ތެރޭގައި، ޕްލޭސްމެންޓެއް ހޯދުމާއި، އަދި އެމްކިއުއޭއިން ހޯދަންޖެހޭ ލިޔެކިޔުންތައްވެސް ހިމެނޭ. އަދި ފީ ސްޓްރަކްޗާއެއް ލޯނަށް ހުށަހަޅާއިރު ހޯދާލާފައި ބެހެއްޓުމަކީ މަސައްކަތް އަވަސް ކުރުމަށް ލިބޭނެ ވަރަށް ބޮޑު ކުރިއެރުމެއް.“
މަތީ ތައުލީމާއި ހުނަރުވެރިކަން ތަރައްގީކުރުމާ ބެހޭ ވަޒީރު ޑރ.އަލީ ހައިދަރު
އެމްކިއުއޭގެ ލިޔުން ހޯދަނީ ދަރިވަރު ފުރިހަމަކުރަން ބޭނުންވާ ޕްރޮގުރާމަކީ އެމްކިއުއޭގެ މިންގަނޑުތަކަށް ފެތޭ ޕްރޮގުރާމެއްކަން ކަށަވަރުކުރުމަށް ކަމަށް ވަޒީރު ވިދާޅުވިއެވެ.
މީގެ އިތުރުން، ކިޔަވާ ދާއިރާއަކީ މަސައްކަތްކުރުމަށް ރެގިއުލޭޓަރީ އިދާރާއަކުން ލައިސެންސެއް ނުވަތަ ހުއްދައެއް ހޯދަންޖެހޭ ދާއިރާއެއް ކަމަށްވާނަމަ ލޯނަށް އެދޭއިރު ދަރިވަރުން ކިޔަވަންދާ ޕްރޮގުރާމަކީ އެ ރެގިއުލޭޓަރީ އިދާރާއަކުން ގަބޫލުކުރާ ކޯހެއް ނުވަތަ ޕްރޮގުރާމެއްކަން އެނގޭނެ ލިޔުމެއްވެސް ހުށަހަޅަން ޖެހޭނެ ކަމަށް ވަޒީރު ވިދާޅުވިއެވެ.
”މިފެށޭ ބަންދުތައް ނިމުމަށްފަހު ފެށޭ ހަފުތާގައި ލޯނު ސްކީމު ހުޅުވައިލެވޭނެ. އެހެންކަމުން، ލޯނަށް އެދެން ބޭނުންވާ ދަރުވަރުން، އިސްވެ ދެންންވި ހުރިހާ ލިޔުމެއް ތައްޔާރުކޮށްގެން ތިބުމަށް. ފުރިހަމަ އެޕްލިކޭޝަނެއް ހުށަހަޅާ ދަރިވަރުންނަށް އިރާދަކުރެއްވިއްޔާ ލޯނު ހަމަޖެހުން އެހެން އަހަރު ތަކާ އަޅާބަލާއިރު އަވަސް ވާނެ.“
މަތީ ތައުލީމާއި ހުނަރުވެރިކަން ތަރައްގީކުރުމާ ބެހޭ ވަޒީރު ޑރ.އަލީ ހައިދަރު
ނިމިދިޔަ އަހަރުގައި ރައީސުލްޖުމްހޫރިއއްޔާ މުޙައްމަދު މުޢިއްޒު ވަނީ، ދަރިވަރުންނަށް ދޫކޮށްފައިވާ ހުރިހާ ލޯނުތަކާއި ކުރިއަށް އޮތް ތަނުގައި ދޫކުރާ ހުރިހާ ލޯނަކީ އިސްލާމީ ޝަރީއަތާ އެއްގޮތަށް ދޫކުރާ ލޯނުތަކެއް ކަމަށް ހެއްދެވުމަށް ނިންމަވާފައެވެ. އެހެންކަމުން މިހާރު ލޯނު އަނބުރާ ދައްކާއިރު އެއްވެސް ސާވިސް ޗާޖެއް ނުނަގާ ގޮތަށް ވަނީ ނިންމާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
