މޯލްޑިވްސް އިސްލާމިކް ޓޫރިޒަމްގެ ފުރަތަމަ އެމްސެސެޑަރުކަން މަޝްހޫރު އިންފްލުއެންސަރ ޝުޢައިބް މާ އަށް

މޯލްޑިވްސް އިސްލާމިކް ޓޫރިޒަމްގެ އެމްބެސެޑަރުކަން މަޝްހޫރު އިންފްލްުއެންސަރ ޗައިނާގެ ޝުއައިބު މާ އަށް ދީފިއެވެ.

ޝުއައިބް މާ އަށް އެމްބެސެޑަރުކަން ހަވާލުކުރުން ކުރިއަށްގެންގޮސްފައިވަނީ މިދިޔަ ހޮނިހިރުދުވަހުގެ ރޭ އުކުޅަހުގައި ބޭއްވި ހާއްސަ ހަފްލާއެއްގައެވެ. ޝުއައިބަށް އެމްބެސެޑަރުކަން ހަވާލުކޮށްދެއްވީ ތޮއްޑޫ ދާއިރާގެ މަޖިލީހުގެ މެމްބަރު ހުސައިން ސަމީރު އަދި އުކުޅަހު ކައުްނސިލުގެ ރައީސް ޝައުކަތް އިބްރާހީމެވެ.

މި ހަފްލާގައި އެމްއެމްޕީއާރުސީގެ ބޯޑު މެމްބަރު އަބްދުއްﷲ ސަމީއު އާއި މޯްލޑިވްސް އިސްލާމިކް ޓޫރިޒަމްގެ ޗެއާޕާސަން އަހުމަދު ފައިސަލް އަދި އިކުޅަހުގެ މުއައްސަސާތަކުގެ އިސްވެރިން ބައިވެރިވެ ވަޑައިގަތެވެ.

މޯލްޑިވްސް އިސްލާމިކް ޓޫރިޒަމަކީ ދުނިޔޭގެ މުސްލިމް ފަތުރުވެރިންނަށް އަމާޒުކޮށް ރާއްޖޭގައި އިސްލާމީ އުސޠލްތަކާ އެއްގޮތަށް ފަތުރުވެރިކަން ފުޅާކުރުމުގެ މަގްސަދުގައި ރަޖިސްޓްރީކޮށްގެން ހިންގަމުްނގެންދާ ޖަމިއްޔާއެކެވެ. މި ޖަމިއްޔާއިން މަސައްކަތް ފަށާފައިވަނީ މީހުންދިރިއުޅޭ ރަށްރަށުގެ ފަތުރުވެރިކަމުގެ ވިޔަފާރިއަށް އެހީވުމަށެވެ. އެގޮތުން އޯފް ސީޒަނުގައި ދިމާވާ ގޮންޖެހުންތަކަށް އެޖަމިއްޔާއިން ގެންދަނީ އެހީތެރިވަމުންނެވެ.

މި ހަފްލާގައި ވާހަކަދައްކަމުން ސެމްބެސެޑަރު ޝުއައިބް ބުނީ މޯލްޑިވްސް އިސްލާމިކް ޓޫރިޒަމްގެ ސަފީރުކަން ލިބުމަކީ ޝަރަފެއް ކަމަށާއި، އެމްބެސެޑަރެއްގެ ހައިސިއްޔަތުން މުސްލިމް ޓޫރިސްޓުންނަށް އަދި ވަކިން ޗައިނާގެ މުސްލިމުންނަށް ދިވެހިރާއްޖެ ޕްރޮމޯޓްކުރުމަށް ކުރަންޖެހޭ ހުރިހާ ކަމެއް ކުރާނޭކަމަށެވެ.

އުކުޅަހު ކައުންސިލުން ބުނީ އިސްލާމިކް ޓޫރިޒަމް ވުޖޫދަށް ގެނައުމަށް މަރްހޫމް ޝެއިހް ފަރީދް އިސް ދައުރެއް އަދާކުރެއްވި ކަމަށާއި މިއަދު ކުލަޖެހިގެން މިދިޔައީ އެމަނިކުފާނު ގެންގުޅުއްވި ތަސައްވުރެއްގައިކަމަށެވެ.

ޝުއައިބް މާ އަކީ ޗައިނާގެ މުސްލިމުންގެ މެދުގައި ވަރަށް މަގްބޫލް ފަރާތެކެވެ. އޭނާއަކީ ދުނިޔޭގެ އެކި ކަންކޮޅުތަކަށް އަމާޒުކޮށް ޗައިނާގެ ފަތުރުވެރިކަން ކުރިއަރުވާ ފަރާތެކެވެ. އޭނާގެ ޕްލެޓްފޯމްތައް ފޮލޯކުރާ އެތައްހާސް ބަޔަކު އުޅޭއިރު ޓިކްޓޮކްގައި މިލިއަނާ ގާތްކުރާ އަދަދަކަށް ފޮލޯވަރުން ތިބެއެވެ.