ކޮވިޑް-19 އަށް ދިވެހިރާއްޖެއިން މިއަދު 109 މީހަކު ޕޮޒިޓިވްވެއްޖެއެވެ.

އެޗްޕީއޭއިން މިރޭ އާންމުކުރި ތަފާސްހިސާބުތަކުން ދައްކާގޮތުގައި މިއަދު އިރުއޮއްސި ހައެއް ޖެހުމާއި ހަމައަށް ކޮވިޑް-19 އަށް ވަނީ 109 މީހަކު އަލަށް ޕޮޒިޓިވްވެފައެވެ. މިއަދުވެސް އެންމެ ގިނަ އަދަދަކަށް ޕޮޒިޓިވްވެފައިވަނީ ދިވެހިންނެވެ. 

މިއަދު 80 ދިވެއްސަކު ވަނީ މި ބައްޔަށް ޕޮޒިޓިވްވެފައެވެ. 

މި ކޭސްތަކުގެ 3 ކޭސް ފިޔަވައި އެހެން ހުރިހާ ކޭހެއް ފެނިފައިވަނީ ގްރޭޓަރ މާލެ ސަރަހައްދުންނެވެ. މި ބަލި ދިވެހިރާއްޖެއިން ޖެހުނު މީހުންގެ ޖުމްލަ އަދަދު މިހާރު ވަނީ 7578 އަށް އަރާފައެވެ.

އަދި ބަލިން 4925 މީހުން ރަނގަޅުވީއިރު، 28 މީހަކު ވަނީ ނިޔާވެފައެވެ.