ބީއެމްއެލް ކޮމިއުނިޓީ ފަންޑުގެ ދަށުން އދ. ފެންފުށި ޕްރީސްކޫލު މަރާމާތުކޮށް ތަރައްގީކޮށްފިއެވެ.

ފެންފުށީގައި ހިންގަމުންދާ ޖަމިއްޔާއެއް ކަމަށްވާ ފެންފުށި ޒުވާނުންގެ ދިރުމުގެ ފަރާތުން ކުރިޔަށް ގެންދިޔަ މި ޕްރޮޖެކްޓް ނިންމާލައި ޕާކު މިހާރު ވަނީ ޕްރީސްކޫލު ކުދިންނަށާއި އާންމުންނަށް ހުޅުވާލާފައެވެ.

މި ޕްރޮޖެކްޓާއި ގުޅޭ ގޮތުން ފެންފުށި ޒުވާނުންގެ ދިރުމުގެ ރައީސް އަހުމަދު އަބްދުލް މުހުސިން ވިދާޅުވެފައިވަނީ އެ ރަށުގައި ކުޑަކުދިންގެ ޕާކެއް ނެތުމުން، މި ޕްރޮޖެކްޓުގެ ދަށުން އެ ޖަމްއިއްޔާގެ އެންމެ ބޮޑު މަގުސަދަކަށްވީ ޕާކު ތަރައްގީކޮށް، ހިތްހަމަޖެހުމާއި އުފަލުގެ ތެރެއިން، އެކުވެރި ބަދަހި އާއިލާތަކެއް އުފައްދާ އެއްބައިވަންތަ މުޖުތަމައުއެއް ބިނާކުރުން ކަމަށެވެ.

Advertisement

މިއާއިއެކު އެ ޖަމިއްޔާގެ ފަރާތުން ރައްޔިތުންނަށް މިވަރުގެ ހިދުމަތެއް ކޮށްދެވުމުން އުފާކޮޮށް، މުހުސިން ވަނީ ބީއެމްއެލްއިން މުޖުތަމައުގެ ލާބައާއި މަންފާ އަށް ކުރަމުންދާ މަސައްކަތަށް ޝުކުރުއަދާކޮށްފައެވެ.

ބީއެމްއެލް ކޮމިއުނިޓީ ފަންޑަށް ހުށަހަޅާ ޕްރޮޕޯސަލްތަކަކީ ހިލޭ ސާބަހަށް ކުރާ މަސައްކަތްތަކާއި ތައުލީމާއި ކުޅިވަރު ހަރަކާތްތަކުގެ އިތުރުން ތިމާވެށި ހިމާޔަތްކުރުން ފަދަ ކަންކަމަށް އަމާޒުކޮށްގެން ހުށަހެޅޭ ޕްރޮޕޯސަލްތަކެކެވެ.