ބ.ކުޑަރިކިލުގެ ރަށްގިރުމުގެ މައްސަލަ ހައްލު ކޮށްދެއްވުމަށް ރައީސަށް ކައުންސިލުން ދަންނަވައިފިއެވެ.
މި މައްސަލަ އަށް ހައްލެއް ހޯއްދަވައި ދެއްވުމަށް ރަށުގެ ކައުންސިލުން ރައީސް އަރިހުގައި އެދިފައިމިވަނީ މިހާރު ރައީސުލްޖުމްހޫރިއްޔާ ޑރ.މުހައްމަދު މުއިއްޒު އަތޮޅު ތެރެއަށް ކުރައްވާ ދަތުރުފުޅުގެ ތެރެއިން ބ އަތޮޅު ކުޑަރިކިލުގެ ކައުންސިލާއި އަންހެނުންގެ ތަރައްގީ އަށް މަސައްކަތްކުރާ ކޮމިޓީ އާއި އެކު ބޭއްވި ބައްދަލުވުމުގެ ތެރެއިންނެވެ.
ރަށް ގިރުމުގެ މައްސަލަ އަށް ހައްލެއް ހޯދުމުގެ އިތުރުންވެސް، މި ބައްދަލުވުމުގައި ކުޑަރިކިލު ކައުންސިލުން ވަނީ އެ ރަށުގެ ނަރުދަމާ ނިޒާމު ބެލެހެއްޓުމުގައި ހުރި ދަތިތަކާއި ކައުންސިލު އިދާރާގެ ޖާގައިގެން ދަތިކަމާއި އައު މިސްކިތެއްގެ މުހިންމުކަން ފާހަގަކޮށްފައެވެ.
ކުޑަރިކިލު އ.ތ.މ ކޮމިޓީން ވަނީ ޖަލްސާކުރާ މާލަމެއްގެ އިތުރުން އެކޮމިޓީގެ ބޭނުންތަކަށް ވަކި ޚާއްސަ ތަނެއް ހުރުމުގެ މުހިންމުކަމުގެ އިތުރުން، ލުއި ލޯނު ދޫކުރުމަށް މަގުފަހިކޮށްދިނުންފަދަ ކަންތައްތައް ފާހަގަކުރައްވާފައެވެ.
މި ބައްދަލުވުމުގައި ރައީސް ޑރ.މުއިއްޒު ވަނީ ރަށްތަކަށް ތަރައްޤީ ގެނެސްދެއްވާނީ ރައްޔިތުންގެ އަޑު އައްސަވައިގެންކަމަށާއި، ރަށު ކައުންސިލާ އ.ތ.މ. ކޮމެޓީއިން އެދިވަޑައިގަތް ކަންކަން ކޮށްދެއްވުމަށް މަސައްކަތް ކުރައްވާނެކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
