ކުރިއަށްއޮތް ރޯދަމަހު ރާއްޖޭގެ މިސްކިތްތަކުގައި ތަރާވީޙު ނަމާދު ކުރާނެ ރާއްޖެއިން ބޭރުގެ ޙާފިޡުން ރާއްޖެއަށް ގެނައުމަށް ހުއްދަ ދޭން ފަށައިފިއެވެ.

އިސްލާމިކް މިނިސްޓްރީން މިއަދު އާއްމުކުރި އިއުލާނެއްގައި ބުނެފައިވަނީ, މިސްކިތްތަކުގައި ޙިފްޡުކޮށް އިމާމުވެ ތަރާވީޙު ނަމާދު ކުރާނެ ރާއްޖެއިން ބޭރުގެ ޙާފިޡުން ރާއްޖެއަށް ގެނައުމަށް ހުއްދަ އަށް އެދޭ ފަރާތްތަކުން އެކަމަށް ކަނޑައެޅިފައިވާ ފޯމް ފުރުމަށްފަހު، އަންނަ ޖެނުއަރީމަހުގެ 20 ވާ ހޯމަދުވަހުގެ ނިޔަލަށް ކަމާގުޅޭ ލިޔެކިއުންތައް ހަމަކުރުމަށްފަހު ފޯމް ހުށަހެޅުމަށް ހުޅުވާލާފައިވާކަމަށެވެ. ރަށްރަށުން ފޯމް ހުށަހަޅަން ޖެހެނީ އެރަށެއް ނުވަތަ ސިޓީއެއްގެ ކައުންސިލް އިދާރާއަށެވެ.

އިސްލާމިކް މިނިސްޓްރީން ބުނީ، ސިޓީ ކައުންސިލުގެ އިދާރާތައް ހިމެނޭ ރަށްރަށާއި ރަށު ކައުންސިލްގެ އިދާރާތައް ހިމެނޭ ރަށެއްގެ ރަށު ކައުންސިލުގެ އިދާރާ އިން ފޯމާއި އެކަމާގުޅޭ ލިޔުންތައް ފެބުރުއަރީ މަހުގެ 16 ވާ އާދިއްތަދުވަހުގެ 14:00 ގެ ކުރިން ހުށަހަޅަން ޖެހޭނޭކަމަށެވެ.

Advertisement

ބޭރުގެ ޙާފިޡުންނަށް އެލަވަންސް ދިނުމަށް ހަމަޖެހިފައިވަނީ، ނަމާދު ކުރާ ކޮންމެ ރެޔަކަށް 200 (ދުއިސައްތަ) ރުފިޔާގެ މަގުންނެވެ. އިސްލާމިކް މިނިސްޓްރީން ބުނީ، ޙިފްޡުކޮށް އިމާމުވެ ތަރާވީޙު ނަމާދު ކުރުމުގެ ހުއްދަ ދެވޭނީ، ރާއްޖޭގައި މަސައްކަތް ކުރުމުގެ ހުއްދަ (ވަރކްޕާމިޓް) އޮންނަ، އަދި އެފަދަ ދާއިރާއަކާ ގުޅޭ މުއައްސަސާ އެއް މަރުކަޒެއް ނުވަތަ ޤުރުއާން ކުލާހެއްގައި މަސައްކަތް ކުރައްވާ އަދި ޙާފިޡު ކަމުގެ ސެޓްފިކެޓް ލިބިފައިވާ ފަރާތްތަކަށެވެ.