ހައުންސިން މިނިސްޓްރީގައި ހިނގި އަލިފާނުގެ ހާދިސާގައި މުޅި އިމާރާތުގައި ރޯވެ ޖެހިގެން ހުރި އެންވަޔަމަންޓް މިނިސްޓްރީ ހިންގާ އިމާރާތަށް ހުޅުގަނޑު ފޯރައިފިއެވެ.  

އަލިފާނުގެ ސަބަބުން އަރަމުންދާ ދުމުން މުޅި ބޮޑު ތަކުރުފާނު މަގު އޮތީ ކަޅު ކޮށްލާފައެވެ.  

އެ ސަރަހައްދުގައި ފުލުހުންނާއި ސިފައިވެސް އަންނަނީ  ހަރަކާތްތެރިވަމުން ނެވެ.

Advertisement

އެމްއެންޑީއެފުން ދާދި ދެންމެ އަކު ބުނި ގޮތުގައި އަލިފާން އަދިވެސް ކޮންޓްރޯލް އެއް ނުކުރެވޭ ކަމަށާ އިމާރާތް ކުރުމާއި ބިނާއާ ބެހޭ ވުޒާރާ ހުންނަ މުޅި ބިލްޑިންގ ގަ ވަނީ އަލިފާން ރޯވެފައެވެ.

އަދި އެއިމާރާތުގެ ވަށައިގެންވާ އެހެން އިމާރާތް ތަކުން މިހާރު ވަނީ މީހުން ހުސްކޮށްފައިވާއިރު، މިހާރު ބޮޑަށް މަސައްކަތް ކުރަމުންދަނީ އެހެން އިމާރާތްތަކަށް އަލިފާން ފޯރިއަ ނުދިނުމަށް ކަމަށެވެ.

ނަމަވެސް، އެންވަޔަރަމެންޓް މިނިސްޓްރީ ހިންގަމުން އަންނަ "ގްރީން ބިލްޑިންގ" އާ ހަމައާށްވެސް އަލިފާން ފޯރާފައިވާ ކަމަށް ބުންޏެވެ.

މީގެ އިތުރުން އެމްއެންޑީއެފުން ބުނީ އަލިފާން ނިއްވުމަށް އެއަރޕޯޓުގެ ފަޔަރ ފައިޓަރސް ގެ އެހީތެރިކަން ލިބިފައިވާ ކަމަށެވެ. 

އަލިފން ރޯވި ސަރަހައްދަށް ރައީސް ޑރ މުޙައްމަދު މުޢިއްޒު ވަނީ ވަޑައިގެން ތަނުގެ ހާލަތު ބައްލަވާލައްވާފައެވެ.