މިއަދު ހެނދުނު ހައުސިންގ މިނިސްޓްރީގައި އަލިފާން ރޯވެ އަނދަމުން ދިޔުމާ ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެތަނަށް ވަޑައިގެންފިއެވެ.

އަލިފާނުގެ ސަބަބުން އަރަމުންދާ ދުމުން މުޅި ބޮޑު ތަކުރުފާނު މަގު އޮތީ ކަޅު ކޮށްލާފައެވެ. އެ ސަރަހައްދުގައި ފުލުހުންނާއި ސިފައިވެސް އަންނަނީ  ހަރަކާތްތެރިވަމުން ނެވެ.

އެމްއެންޑީއެފުން ދާދި ދެންމެ އަކު ބުނި ގޮތުގައި އަލިފާން އަދިވެސް ކޮންޓްރޯލް އެއް ނުކުރެވޭ ކަމަށާ އިމާރާތް ކުރުމާއި ބިނާއާ ބެހޭ ވުޒާރާ ހުންނަ މުޅި ބިލްޑިންގ ގަ ވަނީ އަލިފާން ރޯވެފައެވެ.

އަދި އެއިމާރާތުގެ ވަށައިގެންވާ އެހެން އިމާރާތް ތަކުން މިހާރު ވަނީ މީހުން ހުސްކޮށްފައިވާއިރު، މިހާރު ބޮޑަށް މަސައްކަތް ކުރަމުންދަނީ އެހެން އިމާރާތްތަކަށް އަލިފާން ފޯރިއަ ނުދިނުމަށް ކަމަށެވެ.

ނަމަވެސް، އެންވަޔަރަމެންޓް މިނިސްޓްރީ ހިންގަމުން އަންނަ "ގްރީން ބިލްޑިންގ" އާ ހަމައާށްވެސް އަލިފާން ފޯރާފައިވާ ކަމަށް ބުންޏެވެ.

އަދި އަލިފާނުގެ ހާދިސާއާއި އެ ސަރަހައްދުގައި ސްކޫލުތަކުގެ ދަރިވަރުން ވަނީ ގެއަށް ފޮނުވާލާފައެވެ. އެގޮތުން ތާޖުއްދީން ސްކޫލާއި ހިރިޔާ ސްކޫލާއި ފަލާހް ޕްރީ ސްކޫލުގެ ކުދިން ގެއަށް ދޫކޮށްލާފައިވާ ކަމަށް މައުލޫމާތު ލިބެއެވެ. 

މީގެ އިތުރުން އެމްއެންޑީއެފުން ބުނީ އަލިފާން ނިއްވުމަށް އެއަރޕޯޓުގެ ފަޔަރ ފައިޓަރސް ގެ އެހީތެރިކަން ލިބިފައިވާ ކަމަށެވެ. 

މި ޢިމާރާތުގައި ހައުސިންގ މިނިސްޓްރީގެ އިތުރުން ކޮންސްޓްރަކްޝަން މިނިސްޓްރީ ވެސް ހިންގަމުން ގެންދެއެވެ.

ހާދިސާގައި މީހަކަށް އަނިޔާވިކަން އަދި އެނގިފައެއް ނުވެއެވެ.