މިއަދު ހެނދުނުގެ ވަގުތެއްގައި ހައުންސިންގ މިނިސްޓްރީގައި ހިނގި އަލިފާނުގެ ހާދިސާއާއި ގުޅިގެން ގެދޮރުވެރިޔާ ސްކީމާ ގުޅޭ އެއްވެސް ލިޔުމަކަށް އަސަރު ނުކުރާ ކަށް އެ މިނިސްޓްރީން ބުނެފިއެވެ.
ހައުސިންގ މިނިސްޓްރީން މިހެން ބުނީ މިކަމާއި ގުޅިގެން ނެރުނު ބަޔާނެއްގައެވެ.
އެގޮތުން އެ މިނިސްޓްރީން ބުނީ އެ މައުލޫމާތަކީ ކްލައުޑްހޯސްޓިންގައި އޮންލައިންކޮށް ރައްކާކުރެވިފައިވާ ހުރި މައުލޫމާތުތަކެއް ކަމުން އެ މައުލޫމާތު ސަލާމަތުން އެބަ ހުރި ކަމަށެވެ.
އަދި މި ހާދިސާގައި މިނިސްޓްރީގެ އެއްވެސް މުވައްޒަފަކަށް އަނިޔާ ނުވާކަމަށާއި، އަލިފާން ނިއްވުމުގެ މަސައްކަތް ކަމާބެހޭ އިދާރާތަކުން ކުރަމުން އަންނަ ކަމަށެވެ.
މިއަދު ހެނދު، ގާތްގަނޑަކަށް: 7:30 ހާއިރު ރޯވި މި އަލިފާންގަނޑު އެންމެ ފުރަތަމަ ރޯވީ، ހަައުސިން މިނިސްޓްރީގައި ހުރި ޓިނު އިމާރާތެއްގައި، އެ އަލިފާންގަނޑު ގޮސް ފެތުރުނީ ކޮންސްޓްރަކްޝަން މިނިސްޓްރީ ހުރި އިމާރާތަށް ފެތުރި، އެ ދެ އިމާރާތް އެއްކޮށް ވަނީ އަނދާފައެވެ.
އަދި، އަލިފާންގަނޑު މިހާރު ވަނީ ގްރީން ބިލްޑިން އަށް ފޯރާފައެވެ. ގްރީން ބިލްޑިންގައި ހިމެނެނީ އެންވަޔަރަމަންޓް މިނިސްޓްރީ އާއި އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ)އެވެ.
އަލިފާނުގެ ސަބަބުން އަރަމުންދާ ދުމުން މުޅި ބޮޑު ތަކުރުފާނު މަގު އޮތީ ކަޅު ކޮށްލާފައެވެ. އެ ސަރަހައްދުގައި ފުލުހުންނާއި ސިފައިވެސް އަންނަނީ ހަރަކާތްތެރިވަމުން ނެވެ.
އަލިފާންގަނޑު ކޮންޓްރޯލް ކުރުމަށް އެއާޕޯޓު ފަޔަރ ފައިޓަރުންގެ އެހީ ހޯދައިފައިވާއިރު، ފުލުހުން އަންނަނީ ލިޔެކިޔުންތައް ރައްކާތެރި ކުރުމަށް މަސައްކަތް ކުރަމުންނެވެ.
Advertisement
This content is created and paid for by advertisers and does not involve Voice Journalists
