ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ ހުންނަ އިމާރާތު އަލިފާން ރޯވުމާއި ގުޅިގެން ކޮންސްޓަރްކްޝަން މިނިސްޓްރީން ދެމުން އަންނަ ޚިދުމަތްތައް މެދުކެނޑިއްޖެއެވެ.
މިއަދު ހެނދު، ގާތްގަނޑަކަށް: 7:30 ހާއިރު ރޯވި މި އަލިފާންގަނޑު އެންމެ ފުރަތަމަ ރޯވީ، ހަައުސިން މިނިސްޓްރީގައި ހުރި ޓިނު އިމާރާތެއްގައި، އެ އަލިފާންގަނޑު ކޮންސްޓްރަކްޝަން މިނިސްޓްރީ ހުރި އިމާރާތަށް ފެތުރި، އެ ދެ އިމާރާތް އެއްކޮށް ވަނީ އަނދާފައެވެ.
މި ހާދިސާއާއި ގުޅިގެން ކޮންސްޓްރަކްޝަން މިނިސްޓްރީން ބުނީ، ހާދިސާގައި މިނިސްޓްރީގެ އެއްވެސް މުވައްޒަފަކަށް އަނިޔާ ނުވާ ކަމަށެވެ. ނަމަވެސް ހާދިސާގައި އިމާރާތަށް ބޮޑެތި ގެއްލުންތަކެއް ވެފައިވާތީ ކޮންސްޓްރަކްޝަން މިނިސްޓްރީން ދެމުން އަންނަ ޚިދުމަތްތައް މެދުކެނޑިފައިވާ ކަމަށް އެ މިނިސްޓްރީން ބުނެފައިވެއެވެ.
އަދި ޚިދުމަތްތައް ފެށޭނެ ތާރީޚެއް ކަނޑައެޅުމަށްފަހު އެކަން އިއުލާނު ކުރާނެ ކަމަށްވެސް ބުންޏެވެ.
ހައުސިންގ މިނިސްޓްރީގައި ރޯވި އަލިފާންގަނޑު ގްރީން ބިލްޑިން އަށް ފޯރައިގެން ގޮސްފައިވާއިރު، ގްރީން ބިލްޑިންގައި އަކީ އެންވަޔަރަމަންޓް މިނިސްޓްރީ އާއި އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ)ހިމެނޭ އިމާރާތެވެ.
މިހާރު އަލިފާންގަނޑު ކޮންޓްރޯލް ވެފައުވާއިރު، މި ހާދިސާގައި، ޓިނު ބިލްޑިންގ ވ.ބޮޑަށް އަނދާ ހުލިވެފައިވާ ކަމަށް އެމްއެންޑީއެފުން ބުނެއެވެ.
އަދި ގްރީން ބިލްޑިންގ ގެ 2 ވަނަ އަދި 3 ވަނަ ފަންގިފިލާ ގައިވެސް އަލިފާން ރޯވިއިރު، ޓިނު ބިލްޑިންގ ގެ ކުރިމައްޗަށް ވާގޮތަށް ހުރި " މަހުމާ ވިލާ" ގައި ކޮންމެވެސް ވަރަަކަށް އަލިފާން ހިފައިފައި ވާކަމަށް މައުލޫމާތު ލިބެއެވެ.
Advertisement
This content is created and paid for by advertisers and does not involve Voice Journalists
