ޕީއެސްއެމުން ގެނެސްދިން ހަބަރެއްގައި ބޭއަދަބީ މަންޒަރުތަކެއް ހިމެނިފައިވާތީ އެކަމަށް މާފަށް އެދިއްޖެ އެވެ.
މިމަހުގެ 10 ވަނަ ދުވަހު ރޭގަނޑު 19:00 ގައި ގެނެސްދިން އިނގިރޭސި ޚަބަރުގެ ސެގްމަންޓެއްގައި, ބޭއަދަބީ މަންޒަރެއް ހިމެނުފައިވާތީ ގިނަ ބަޔަކު އަންނަނީ އެކަމަށް ފާޑުކިޔައި ނުރުހުން ފާޅުކޮށްފައެވެ.
އެކަމާއި ގުޅިގެން، ޕީއެސްއެމުން ނެރުނު ބަޔާނެއްގައި ބުނީ، އެކަމަކީ އެ ކުންފުނީގެ ކޮންޓެންޓް އަދި އެޑިޓޯރިއަލް ޕޮލިސީއާ ހިލާފު ސީރިއަސް މައްސަލައެއް ކަމަށެވެ.
މި މައްސަލައިގައި ދެ މުވައްޒަފަކު ސަސްޕެންޑްކޮށްފައި ވާކަމަށާ، ހަމައެހެންމެ މި މައްސަލާގައި ކަންހިނގައިދިޔަގޮތް ބެލުމަށްފަހު އިހުމާލުވި 2 މުވައްޒަފަކު ސަސްޕެންޑްކޮށް ފިޔަވަޅު އަޅަންޖެހޭ ފަރާތްތަކާމެދު އިތުރަށް އަޅަންޖެހޭ ފިޔަވަޅުތައް އެޅުމަށް ކުންފުނީގެ ކަމާ ބެހޭ ކޮމިޓީއަށް ފޮނުވާފައިވާކަމަށްވެސް ޕީއެސްއެމްގެ ބަޔާނުގައި ބުންޏެވެ.
އަދި އެފަދަ މަންޒަރުތަކެއް ދެއްކިފައިވާތީ ރައްޔިތުންގެ ކިބައިން މާފަށް އެދޭ ކަމަށްވެސް ބުންޏެވެ.
މީގެ އިތުރުން އެ ކުންފުނީގެ އެކިއެކި ޑިޕާޓްމަންޓުތަކުގައި މިހާރު އަމަލުކުރަމުންދާ އެސްއޯޕީތައް އިސްލާހްކޮށް މިފަދަ ކަންކަން ތަކުރާރުނުވާނެ ގޮތަކަށް ކުންފުނީގެ އޮޕަރޭޝަނަލް ކަންކަން ތަރުތީބުކުރަމުންދާކަމަށް ޕީއެސްއެމްއިން ބުނެއެވެ.
Advertisement
This content is created and paid for by advertisers and does not involve Voice Journalists
