މިއަދު ހެނދުނުން ފެށިގެން ނ. ހެނބަދޫއަށް ބޯކޮށް ވާރޭ ވެހި، 75 ގެއަކަށް ފެންވަދެ، ގެއްލުން ލިބިފައިވާ ކަމަށް ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ) އިން ބުނެފިއެވެ.
އެގޮތުން، ހެނބަދޫގެ މަގުތަކުގައި ފެންބޮޑުވެ ގެތަކުގެ ތެރޭގައިވެސް ވަނީ، ތަނބިކައްޓާ ހަމައަށް ފެންއަރާވަރަށް ފެންވަދެފައެވެ. އޭގެ ސަބަބުން ގޭގައި ހިފައި ގެންގުޅޭ ތަކެއްޗަށް ވަނީ ބޮޑެތި ގެއްލުންތައް ވެފައެވެ.
ނެޝަނަލް ޑިޒާސްޓާރ މެނޭންޖްމަންޓުން ބުނީ، ހެނބަދޫ ކައުންސިލާއި އެމް.އެން.ޑީ.އެފް ގެ އެހީތެރިކަމާއެކު ފެން ހިންދުމުގެ މަސައްކަތް މިހާރު ކުރަމުންދާ ކަމަށެވެ.
އެގޮތުން، ގެތަކަށް ފެން ނުވަންނާނެހެން ވެލިބަސްތާ ޖެހުމުގެ ކަންކަންވެސް އަންނަނޫ ކުރަމުންނެވެ.
ހެނބަދޫގެ އިތުރުން، ރާއްޖެއަށް ކުރަމުންދާ ވިއްސާރައިގައި ޅ.ކުރެންދޫ އަދި ނ. ކެނދިކުޅުދޫ އަށް ބޯކޮށް ވާރޭވެހި ފެންބޮޑުވެ ގެއްލުންތަކެއް ލިބެމުންދާތީ ، އެ ރަށްތަކުގެ ކައުންސިލްތަކާއި ގުޅިގެން އެފަރާތްތަކަށް ބޭނުންވާ އެހީތެރިކަން ފޯރުކޮށްދިނުމުގެ މަސައްކަތް ކުރަމުންދާ ކަމަށް އެންޑީއެމްއޭ އިން ބުނެއެވެ.
Advertisement
This content is created and paid for by advertisers and does not involve Voice Journalists
