ރާއްޖޭގެ އިގްތިސާދުގައި ހިއްސާވާ ދާއިރާތަކުގެ ތެރެއިން، ޓޫރިޒަމް ދާއިރާ އާއި އޭވިއޭޝަނުން ކުރަމުންދަނީ ފާހަގަކޮށްލެވޭ ބުރަ މަސައްކަތްތަކެއްކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑްގެ މެނޭޖިންގ ޑިރެކްޓަރު އިބްރާހިމް ޝަރީފް ވިދާޅުވެއްޖެއެވެ.
އޭވިއޭޝަން އަދި ޓްރެވަލް އިންޑަސްޓްރީ ސްޓޭކްހޯލްޑަރުންނާއެކު ބޭއްވި ބައްދަލުވުމެއްގައި ވާހަކަދައްކަވަމުން، އެމްއޭސީއެލްގެ އެމްޑީ ޝަރީފް ވިދާޅުވީ، ޓޫރިޒަމް ސިނާއަތުންނާއި އޭވިއޭޝަން ސިނާއަތް ގުޅިގެން ކުރަމުންގެންދަނީ ފާހަގަކޮށްލެވޭ ފަދަ މަސައްކަތްތަކެއް ކަމަށާއި، އެކަމުގެ ނަތީޖާއެއްގެ ގޮތުން ރާއްޖެއަށް ޒިޔާރަތްކުރާ ފަތުރުވެރިންގެ ނިސްބަތަށްވެސް ހެޔޮ ބަދަލުތަކެއް އަންނަމުންދާކަމަށެވެ.
ޝަރީފް ވިދާޅުވީ ރާއްޖެއަށް ދެ މިލިއަން ފަތުރުވެރިން އައުމަށް މަރުހަބާކިއުމަށް ތައްޔާރުވަމުންދާއިރު، މިހިނގާ ޑިސެމްބަރުމަހުގެ ފަހުކޮޅު އެ އަމާޒަށް ވާސިލްވެވޭނޭނޭ ކަމަށެވެ.
ޝަރީފް ވިދާޅުވީ ދެ މިލިއަން ފަތުރުވެރިން ގެނައުމުގެ އަމާޒަށް ވާސިލްވުމަށް ޓޫރިޒަމާއި، އޭވިއޭޝަން ދާއިރާގެ އިތުރުން، ޓޫރިޒަމް ސިނާއަތާ ގުޅުންއޮންނަ އެހެނިހެން ދާއިރާތަކުން ފާހަގަކޮށްލެވޭ ފަދަ މަސައްކަތްތަކެއް ކޮށްފައިވާކަމަށެވެ.
މި އިވެންޓްގައި އެމްއެމްޕީއާރުސީ އާއި، މަޓާޓޯ، މަޓީ، ނެޝަނަލް ބޯޓިން އެސޯސިއޭޝަނުގެ އިތުރުން މަޔާގެ މެމްބަރުން ވަނީ ބައިވެރިވިއެވެ.
Advertisement
This content is created and paid for by advertisers and does not involve Voice Journalists
