ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރުގެ މަގާމަށް މ. ދޫރެސް، މުހައްމަދު މައުރޫފް ޖަމީލް އައްޔަނުކޮށްފިއެވެ.
މައުރޫފް މި މަގާމަށް އައްނުކޮށްފައިވާކަން ހާމަކޮށްފައިމިވަނީ ޕްރައިވެޓައިޒޭޝަން އެންޑް ކޯޕަރޭޝަން ބޯޑް (ޕީސީބީ) އިން އެކްސްގައި ކުރި ޕޯސްޓެއްގައެވެ.
މިގޮތުން ޕީސީބީން ބުނީ، އެޗްޑީސީގެ މެނޭޖިން ޑިރެކްޓަރުކަމުގެ މަގާމާއި ޑިރެކްޓަރުންގެ ބޯޑުގެ މެންބަރުކަމަށް މައުރޫފް އައްޔަނުކޮށްފައިވާކަމަށެވެ.
މި މަގާމަށް މައުރޫފް އައްޔަނުކޮށްފައިމިވަނީ ކުރިން އެމަގާމުގައި ހުންނެވި ފަޒުލް ރަޝީދު މަގާމުން އިއްޔެ ރޭގެ ވަގުތެއްގައި އިސްތިއުފާދެއްވުމާއި ގުޅިގެންނެވެ.
ފަޒުލް މި މަގާމުން އިސްތިއުފާދެއްވިއިރު، ގެދޮރުވެރިޔާ ސްކީމާއި ގުޅޭ މައްސަލައާއިގުޅިގެން އެ ކޯޕަރޭޝަންގެ ޗެއާމަން އަހްމަދު ނާސިފް ފިޔަވައި ޑިރެކްޓަރުންގެ ބޯޑު މެންބަރުން ސަސްޕެންޑްކޮށްފައިވާއިރު، އެމްޑަބްލިޔުއެސްސީގެ ޑެޕިޔުޓީ މެނޭޖިން ޑިރެކްޓަރ މުޙައްމަދު ފަޒީލް ރަޝީދުވެސް ވަނީ ސަސްޕެންޑްކޮށްފައެވެ.
Advertisement
This content is created and paid for by advertisers and does not involve Voice Journalists
