ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ޑިޕާޓްމަންޓެއް ފަޅާލައި ބައެއް ލިޔެކިޔުންތައް ވަގަށް ނަގައިފިއެވެ.

އެޗްޑީސީގެ ޑިޕާޓްމަންޓެއް ފަޅާލާފައިމިވަނީ އުސޫލުން ބޭރުން އެޗްޑީސީން ގެވަޅުތަކެއް ދޫކުރި މައްސަލާގައި ފުލުހުން ޖިނާއީ ތަހުގީގެއް ހިންގަމުން ދަނިކޮށެވެ.

ފުލުހުންގެ ތަރުޖަމާނު އަހުމަދު ޝިފާން ވަނީ އެޗްޑީސީން ލެޕްޓޮޕްތަކެއް ވަގަށްނެގި މައްސަލައެއް ބަލަމުންދާކަމަށް ވިދާޅުވެފައެވެ. މިގޮތުން 5 ލެޕްޓޮޕް ވަގަށް ގެންގޮސްފައިވާކަމަށް ރިޕޯޓްކުރިކަމަށް ފުލުހުން ބުނެއެވެ. މިގޮތުން 5 ލެޕްޓޮޕް ވަގަށް ގެންގޮސްފައިވާކަމަށް ރިޕޯޓްކުރިކަމަށް ފުލުހުން ބުނެއެވެ. ފުލުހުންނަށް މައްސަލަ ހުށަހަޅާފައިވަނީ, ފަރުކޮޅުގައި ހުންނަ އެޗްޑީސީގެ ޕްރޮޖެކްޓް އޮފީހުންނެވެ. 

Advertisement

މި މައްސަލާގައި ތުހުމަތުކުރެވޭ މީހާ، މިހާރުހުރީ މަސްތުވާތަކެތީގެ މައްސަލައެއްގައި ފުލުހުންގެ ހައްޔަރުގައެވެ. އެޗްޑީސީގެ ފައިނޭންސް ޑިޕާޓްމަންޓް ފަޅާލިކަމުގެ ވާހަކަ ސޯޝަލް މީޑިއާގައި ދައުރުވިނަމަވެސް ފުލުހުން ވަނީ އެއީ ސައްހަ މައުލޫމާތެއް ނޫންކަމަށް ވިދާޅުވެފައެވެ. ފުލުހުން މިހާރު ދަނީ، އެޗްޑީސީގެ ޕްރޮޖެކްޓް ޑިޕާޓްމަންޓް ފަޅާލި މައްސަލަ ތަހުގީގުކުރަމުންނެވެ.

އެޗްޑީސީގެ ޑިޕާޓްމަންޓެއް ފަޅާލައި ލިޔެކިޔުމާ ގުޅޭ ބައެއް ތަކެތި ވަގަށް ގެންގޮސްފައިވާ މައްސަލައެއް ފެންމަތިވިއިރު، ބިންވެރިޔާ ސްކީމުން އުސޫލާ ހިލާފަށް ބިން ދޫކުރި މައްސަލާގައި އެޗްޑީސީގެ މެނޭޖިންގ ޑިރެކްޓަރަކަށް ހުންނެވި ފަޒުލް ރަޝީދު ވަނީ މަގާމުން އިސްތިއުފާދެއްވާފައެވެ. އުސޫލާ ހިލާފަށް ބިން ދޫކޮށްފައިވަނީ ފަޒުލްގެ ބޭބެއަކަށެވެ. މި މައްސަލާގައި ޗެއާމަން ފިޔަވައި ޕީސީބީން ވަނީ މުޅި އެޗްޑިސީގެ ބޯޑު ސަސްޕެންޑްކޮށްފައެވެ.މީގެ އިތުރުން އެޗްޑީސީގެ ސީނިއާ މުއައެްޒަފުން ތަކެއް ހިމެނޭހެން އެކުންފުނިން ގިނަ އަދަދެއްގެ މުއައްޒަފުންތަކެއް ވަނީ ވަޒީފާއިންވެސް ވަކިކޮށްފައެވެ.