ބްލައިންޑް އެންޑް ވިޝުއަލީ އިމްޕެއާޑް ސޮސައިޓީ އޮފް މޯލްޑިވްސް (ބީވީއައިއެސްއެމް) ގެ ހިންގާ ކޮމެޓީގެ މަގާމްތަކަށް ކުރިމަތިލާން ހުޅުވާލައިފިއެވެ.

ބީވީއައިއެސްއެމް ކުރި އިއުލާނެއްގައި ބުނީ، 6 ވަނަ ދައުރަކަށް އެ ޖަމިއްޔާގެ ހިންގާ ކޮމިޓީގެ މަގާމުތަކަށް ކުރިމަތިލުމުގެ ފުރުސަތު ހުޅުވާލާފައިވާކަމަށެވެ. މިގޮތުން އެ ޖަމިއްޔާއިން އިންތިހާބުކުރުމަށް ހަމަޖެހިފައިވާ މަގާމްތަކަކީ؟

1) 1 ރައީސް

2) 1 ނައިބު ރައީސް

3) 1 ހިންގާ ސެކްރެޓަރީ

4) 1 އިންތިޒާމް ސެކްރެޓަރީ

5) 1 ޚަޒާންދާރު

6) 1 މީޑިއާ ކޯޑިނޭޓަރ

7) 5 އިތުރު މެމްބަރުން

ބީވީއައިއެސްއެމުން ބުނީ، މި މަގާމުތަކަށް ކުރިމަތިލެވޭނީ އަދި އިންތިހާބީ ޖަލްސާގައި ވޯޓް ލެވޭނީ މިމަހުގެ 23 ވަނަ ދުވަހުގެ ނިޔަލަށް އެޖަމިއްޔާގައި ރަޖިސްޓްރީ ކުރެވިފައިވާ މެމްބަރުންނަށްކަމަށާއި، ހިންގާ ސެކްރެޓަރީ، އިންތިޒާމް ސެކްރެޓަރީ އަދި ޚަޒާންދާރުގެ މަގާމު ފިޔަވައި އެހެން މަގާމުތަކަށް ކުރިމަތިލެވޭނީ ހަމައެކަނި އެ ޖަމިއްޔާގެ ފެނުމުގެ ނުކުޅެދުންތެރިކަން ހުންނަ ފަރާތްތަކަށް ކަމަށެވެ.

އެހެންކަމުން، ހިންގާ ކޮމިޓީގެ މަގާމުތަކަށް ކުރިމަތިލުމަށް ޝައުގުވެރިވާ މެމްބަރުން، 2 ޖަނަވަރީ 2025 ވަަނަ ދުވަހުގެ ނިޔަލަށް އެކަމަށް ހާއްސަކުރެވިފައިވާ ގޫގުލް ފޯމް ފުރިހަމަކުރުމަށްފަހު ހުށަހެޅުމަށް ބީވީއައިއެސްއެމުން ވަނީ އެދިފައެވެ. އަދި އެ ޖަމިއްޔާއިން ބުނީ، މި ފޯމު އެ ޖަމިއްޔާގެ ފޭސްބުކް ޕޭޖުން ލިބެން ހުންނާނެކަމަށާއި، 6 ވަނަ ދައުރަށް ހިންގާ ކޮމިޓީ އެކުލަވާލުމަށް ބާއްވާ އިންތިހާބީ ޖަލްސާ އޮންނާނީ 14 ފެބްރުއަރީ 2025 ގައި ކަމަށެވެ.