ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ގެ ޑިރެކްޓަރުންގެ ބޯޑުގެ މެމްބަރުންގެ ސަސްޕެންޝަން އުވާލައިފިއެވެ.

އެ ކޯޕަރޭޝަންގެ ޗެއާމަން އަހްމަދު ނާސިފް ފިޔަވައި ޑިރެކްޓަރުންގެ ބޯޑު މެންބަރުން ސަސްޕެންޑް ކޮށްފައިވަނީ ދޮރުވެރިޔާ ސްކީމާއި ގުޅޭ މައްސަލައާއިގުޅިގެންނެވެ.

މިއާއިއެކު، ޕްރައިވެޓައިޒޭޝަން އެންޑް ކޯޕަރައިޒޭޝަން އިން މިއަދު އެކްސްގައި ކުރި ޕޯސްޓެއްގައު ބުނީ، އެޗްޑީސީ އަށް އައު މެނޭޖިންގ ޑިރެކްޓަރެއް އައްޔަންކޮށްފައިވާތީ، އެ ކުންފުނީގެ ޑިރެކްޓަރުންގެ ބޯޑުގެ މެންބަރުން ސަސްޕެންޑް ކުރުމަށް ނިންމި ނިންމުން މިއަދުން ފެށިގެން ނިމުމަކަށް ގެނެސްފައިވާކަމަށެވެ.

Advertisement

އެޗްޑީސީގެ މެނޭޖިން ޑިރެކްޓަރު ކަމުގެ މަގާމަށް މުހައްމަދު މައުރޫފް ޖަމީލް އައްޔަނުކޮށްފައިވާއިރު، މި މަގާމަށް އެބޭފުޅާ އައްޔަނުކޮށްފައިވަނީ ކުރިން އެމަގާމުގައި ހުންނެވި ފަޒުލް ރަޝީދު އިސްތިއުފާދެއްވުމާއި ގުޅިގެންނެވެ.

މި މައްސަލަ އާއި ގުޅިގެން ފުލުހުން ފަޒުލް ދިރިއުޅޭ ގެ ބަލާ ފާސްކޮށްފައިވާކަން ވެސް ފާހަގަކޮށްލަން ޖެހެއެވެ.