Advertisement

އެހެން ދީންތަކުގެ ޝިއާރު ފާޅުކޮށް ހަރަކާތްތައް ހިންގުމަކީ މަނާކަމެއްކަން އިސްލާމިކް މިނިސްޓްރީން ހަނދާންކޮށްދީފި

އިސްލާމިކް މިނިސްޓްރީ

ރާއްޖޭގައި އެހެން ދީންތަކުގެ ޝިއާރު ފާޅުކުރުމާއި ހަރަކާތްތައް ހިންގުމަކީ މަނާކަމެއްކަން އިސްލާމިކް މިނިސްޓްރީން ހަނދާންކޮށްދީފި އެވެ.

އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ސޮއިކުރައްވައި، ހުރިހާ ރަށެއްގެ ކައުންސިލަށް ފޮނުވި ސާކިއުލާއެއްގައި ބުނީ، އެކިއެކި ވަޒީފާތަކަށް ބިދޭސީންނާއި ޓޫރިސްޓުން ގެންނަ ފަރާތްތަކުން ރާއްޖޭގެ ގާނޫނުތަކާއި ގަވާއިދުތަކަށް ތަބާވުމަށް އެ މީހުންނަށް އިރުޝާދު ދޭންވާނެ ކަމަށެވެ.

މިގޮތުން  ރާއްޖޭގެ ދީނީ އެއްބައިވަންތަކަން ހިމާޔަތް ކުރުމުގެ ގަވާއިދުގައިވާ ގޮތަށް ބިދޭސީންނާއި ޓޫރިސްޓުންނަށް އިރުޝާދު ދިނުމަކީ އެ މީހުން ރާއްޖެ ގެންނަ ފަރާތްތަތަކުގެ ޒިންމާއެއްކަން މިނިސްޓްރީން ވަނީ ފާހަގަކޮށްފައެވެ.

Advertisement

މި ގަވާއިދުގައި، ރާއްޖޭގައި އުޅޭ އަދި ޒިޔާރަތްކުރާ ޣައިރު މުސްލިމުންނަށް ފާޅުކަން ބޮޑު ގޮތެއްގައި އެމީހުންގެ ދީނީ ޝިއާރުތައް ފާޅުކުރުމާއި، އާންމު ތަންތަނުގައި ޖަމާއަތްހަދައިގެން ދީނީ ހަރަކާތްތައް ހިންގުމާއި، މިފަދަ ހަރަކާތްތަކުގައި ދިވެހިން ބައިވެރިކުރުންވެސް މަނާކުރެއެވެ.

މިއާއިއެކު، އިސްލާމިކް މިނިސްޓްރީން ވަނީ ގެސްޓް ހައުސް ހިންގާ ރަށްރަށުގައިވެސް ގަވާއިދާ އެއްގޮތަށް އުޅުމަށާއި، އާންމު އިޖުތިމާއީ މިންގަނޑަށް ފެތޭ ހެދުމެއްގައި އުޅުމަށް ޓޫރިސްޓުންނަށް އިރުޝާދުދީ، ކައުންސިލްތަކަށް މި ކަންކަމަށް ހާއްސަ ސަމާލުކަމެއް ދިނުމަށާއި، މިފަދަ މައްސަލަތަކުގައި އަޅަންޖެހޭ ފިޔަވަޅުތައް އެޅުމަށްވެސް އަންގާފައެވެ.

Advertisement

ކޮމެންޓް

Advertisement

Advertisement