އައު އަހަރަށް ހަވާއަރުވަން ތައްޔާރުވުމުގެ ގޮތުން ބޭއްވުމަށް ހަމަޖެހިފައިވާ ފަރިތަކުރުންތަކެއްގައި ސިފައިން މިރޭ ހުޅުމާލޭގައި ހަވާއެރުވުމަށް ނިންމައިފިއެވެ.

މިކަމާ ގުޅޭގޮތުން އެމްއެންޑީއެފުން އެކްސްގައި ކުރި ޕޯސްޓެއްގައި ބުނެފައިވަނީ، އައު އަހަރުގެ ފެށޭ ރޭ ހަވާ އެރުވުމަށް ތައްޔާރުވުމުގެ ގޮތުން ސިފްކޯއިން ކުރިއަށްގެންދާ ފަރިތަކުރުންތަކެއްގައި، ހުޅުމާލެ ފޭސް 3 ގައި ހަވާއެރުވުމަށް ނިންމާފައިވާކަމަށެވެ. ހަވާއެރުވުމުގެ ހަރަކާތް ކުރިއަށްދާނީ 20:00 ހާއިރުކަމަށް ސިފައިން ބުންޏެވެ.މި ފަރިތަކުރުންތަކުގައި، 2 މިނެޓްގެ ތިން ޝޯވްއެއް ކުރިއަށް ގެންދިއުމަށް ވަނީ ނިންމާފައެވެ.

ރާއްޖޭގައި ހަވާއެރުވުމުގެ ކަންކަން ކުރަނީ ޤައުމީ ދިފާއީ ބާރުންނެވެ. ތަފާތު އެކިއެކި މުނާސަބާތަކާ ގުޅުވައިގެން ހަވާއެރުވުމަކީ ރާއްޖޭގައި މިހާރު ވަރަށް އާއްމު ކަމެކެވެ. ހަވާއެރުވުމުގެ ހަރަކާތަކީ ހުރިހާ އުމުރުފުރާތަކެއްގެ މީހުންގެ މެދުގައި ވަރަށް މަޤްބޫލުކަމެކެވެ. 

Advertisement