ގެދޮރުވެރިކަމުގެ މަސައްކަތްތަކާ ބެހޭގޮތުން މިނިސްޓްރީގެ ފަރާތުން މައުލޫމާތު ސާފުކުރުމަށް އައު ނަމްބަރުތަކެއް ތައާރަފްކޮށްފިއެވެ.
އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއިން މިއަދު ބުނީ، މީގެފަހުން ގެދޮރުވެރިކަމާއި ބެހޭ މަޝްރޫޢުތައް ކުރިއަށްގެންދާނީ، އެ ވުޒާރާގެ ދަށުން ކަމަށެވެ. މިދިޔަ ބްރާސްފަތިދުވަހު ރައީސުލްޖުމްހޫރިއްޔާ ކެބިނެޓަށް ގެންނެވި ބަދަލާއެކު، ސަރުކާރުން ކުރިއަށްގެންދާ ގެދޮރުވެރިކަމާ ބެހޭ މަޝްރޫޢުތައް ވަނީ، އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާގެ ބެލުމުގެ ދަށަށް ބަދަލުކުރައްވާފައެވެ. އެއީ ރައްޔިތުންނަށް ދޭ ހިދުމަތްތައް ވީހާވެސް ލުއިފަސޭހަ ގޮތެއްގައި ދިނުމަށްކަމަށް ރައީސް އޮފީހުން ބުނެއެވެ.
އެ ވުޒާރާއިން ބުނީ ގެދޮރުވެރިކަމާ ބެހޭ މަސައްކަތްތަކާ ގުޅޭގޮތުން އެއްވެސް މައުލޫމާތެއް ސާފުކުރަން ވެއްޖެނަމަ އެ ވުޔޒާރާގެ ފޯނު ނަމްބަރެއްގެ ގޮތުގައި މިހާރު ހަމަޖައްސާފައިވަނީ، 4004900 އަދި 4004901 ނަމްވަރު ކަމަށެވެ. ގެދޮރުވެރިކަމުގެ މަސައްކަތްތައް އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާގެ ބެލުމުގެ ދަށަށް ބަދަލުކުރިނަމަވެސް އެ މައްސައްކަތްތަކާއި ހިދުމަތްތަކަށް ބަދަލު އައިސްފައިނުވާނޭކަމަށް އެ ވުޒާރާއިން ބުނެއެވެ.
މިދިޔަ ބްރާސްފަތި ދުވަހު ކެބިނެޓަށް ބަދަލުތަކެއް ގެނެސްފައިވާއިރު، ހައުސިން މިނިސްޓަރަކަށް ހުންނެވި، އަލީ ހައިދަރު ވަނީ، ހަޔާ އެޑިއުކޭޝަން މިނިސްޓްރީއަށް ބަދަލުކުރައްވާފައެވެ. އަދި ހަޔާ އެޑިއުކޭޝަން މިނިސްޓަރަކަށް ހުންނެވި މަރިޔަމް މާރިޔާ ވަނީ އެގްރިކަލްޗާ މިނިސްޓްރީއަށް ބަދަލުކުރައްވާފައެވެ.
Advertisement
This content is created and paid for by advertisers and does not involve Voice Journalists
