ދެކުނު ކޮރެއާގެ ވަގުތީ ރައީސް، ހަން ޑަކް ސޫ ގެ އިތުބާރު ނެތް ކަމުގެ ވޯޓެއް އެގައުމުގެ ނޭޝަނަލް އެސެމްބްލީން ނަގައި، އެބޭފުޅާ މަގާމުން ވަކިކޮށްފިއެވެ.

މިއީ ދެކުނު ކޮރެއާގައި އެއް މަސްދުވަހުގެ ތެރޭގައި ވަކިކުރި ދެވަނަ ރައީސެވެ. ޑަކްސޫ މަގާމުން ވަކިކުރުމަށް 151 ވޯޓް ބޭނުންވާއިރު، އެގައުމުގެ ގާނޫނު ހަދާ މަޖިލީހުގެ 192 މެމްބަރުން ވަނީ އެބޭފުޅާ މަގާމުން ވަކިކުރުމަށް ތާއީދުކޮށް ވޯޓް ދީފައެވެ.

ދެކުނު ކޮރެއާގެ ބޮޑު ވަޒީރު ކަމުގެ މަގާމުގައި ހުންނެވި ހަން، އެގައުމުގެ ވަގުތީ ރައީސް ގެ މަގާމަށް އައްޔަނުކުރެވުނީ އެގައުމުގެ ރައީސްގެ މަގާމުގައި ހުންނެވި ޔޫން ސުކް ޔޮލް ގެ އިތުބާރު ނެތްކަމުގެ ވޯޓެއް އެގައުމުގެ ގައުމީ މަޖިލީހުން މިމަހުގެ 3 ވަނަ ދުވަހު ނެގުމާއި ގުޅިގެންނެވެ.

Advertisement

ޔޫން ގެ އިތުރުން ހަން ވެސް އެގައުމުގެ ރައީސްގެ މަގާމުން ވަކިކޮށްފައިމިވަނީ، ޔޫން މަގާމުން ވަކިކުރުމުގެ މަރުހަލާތަކަށް ހަން ހުރަސްއަޅަމުން ގެންދާކަމުގެ ތުހުމަތުގައެވެ.

މިއީ ދެކުނު ކޮރެއާގައި ޑިމޮކްރެޓިކް ވެރިކަމެއް ފެށުނީއްސުރެ އެގައުމުގެ ވަގުތީ ރައީސެއް މަގާމުން ވަކިކުރި ފުރަތަމަ ފަހަރަށްވާއިރު، އެގައުމުގެ ހުސްވެފައިވާ ވަގުތީ ރައީސްގެ މަގާމާއި ހަވާލުވެވަޑައިގަތުމަށް ހަމަޖެހިފައިވަނީ، އެގައުމުގެ ފައިނޭންސް މިނިސްޓަރު ޗޮއި ސަންގް މޮކް އެވެ.