ޖަޕާނުގެ ގާނޫނު ހަދާ މަޖިލީހުގެ މެންބަރެއްކަމަށްވާ ޓޮޝިޔުކި އަޑާޗި ރާއްޖޭގައި ނިޔާވެއްޖެއެވެ.

ޖަޕާނުގެ ވެރިކަން ކުރާ ޕާޓީ، ލިބަރަލް ޑިމޮކްރެޓިކް ޕާޓީ (އެލްޑީޕީ) އަށް ނިސްބަތްވާ އުމުރުފުޅުން 70 އަހަރުގެ ޓޮޝިޔުކި އަޑާޗި ނިޔާވީ ޅ. އަތޮޅުގެ ރިސޯޓެއްގައި ސްނޯކްލިން އަށް ގޮސް އުޅެނިކޮށް އިއްޔެގެ ވަގުތެއްގައެވެ.

މިކަމާއި ގުޅޭގޮތުން ފުލުހުން ބުނީ، ޅ.އަތޮޅުގެ ރިސޯޓެއްގައި ޗުއްޓި ހޭދަކުރަމުންދިޔަ ޖަޕާނުގެ 70 އަހަރުގެ ފިރިހެން ފަތުރުވެރިއަކު ސްނޯކްލިންއަށް ގޮސް އުޅެނިކޮށް މޫދުގައި މަރުވެފައި އޮއްވާ ފެނިފައިވާ މައްސަލަ 27 ޑިސެންބަރުގެ ހެނދުނު 8:33 ހާއިރު ފުލުހުންނަށް ރިޕޯޓްކޮށްފައިވާކަމަށެވެ.

Advertisement

ފުލުހުން ބުނީ މި މައްސަލަ ތަހުގީގު ކުރަމުން އަންނަކަމަށެވެ.